Saximi

Saximi
Gastronomía do Xapón
Subclase de prato en base de peixe cru  Parte de gastronomía do Xapón  Nome orixinal 刺身 (ja)
Gastronomía gastronomía do Xapón
Características  Material / ingrediente peixe tsuma
Localización  País de orixe Xapón
Códigos e identificadores TasteAtlas sashimi Freebase /m/0cjyd
Wikidata C:Commons

Prato de saximi.

Saximi á venda nun supermercado.

Saximi tradicional.

O saximi (en xaponés: 刺身 sashimi, en chinés: 膾 kuai, en coreano: 회/膾 hoe) é un prato xaponés que consiste principalmente en mariscos ou peixes crús, cortados finamente, aínda que non tanto como un carpaccio.

Sérvese xunto a eles unha salsa (como salsa de soia, que é moi salgada, con wasabi, un condimento xaponés moi picante, ou ben salsa ponzu) e un aderezo simple como ravo daikon relado. O habitual é que os ingredientes se sirvan en cru, aínda que algúns se cociñan un pouco, como o polbo que se ferve lixeiramente. Menos frecuentes, aínda que non por iso descoñecidos, son os saximis vexetarianos como o yuba (xudías de pel callada), ou de carnes vermellas crúas de vacún ou de cabalo.

O nome saximi vén da cola de peixe que se puña xunto ás rebandas, de maneira que se puidese recoñecer de que tipo era.

Adóitase servir con rebandas pequenas de xenxibre en conserva, que se inxeren entre un tipo de saximi e outro, é dicir cando se vai cambiar de sabor. Os liscos pódense tomar sós ou mollados na salsa.

Poderíase dicir, simplificando, que o saximi é semellante ao suxi pero sen arroz, aínda que o repertorio de ingredientes do suxi é moito máis amplo, incluídos vexetais, tales como o cogombro, ou tortilla etc.

Saximi é o nome que denomina a calidade de peixes como atún, peixe espada, marraxo etc., entre outros, e consiste en ultra conxelar o peixe por baixo de - 60 graos centígrados para conservar todas as súas propiedades.

Véxase tamén

Outros artigos

• Suxi
• Ikizukuri