Sardiñeiro, Fisterra

Para outras páxinas con títulos homónimos véxase: Sardiñeiro.

Sardiñeiro
Igrexa parroquial
Concello	Fisterra
Provincia	A Coruña
Coordenadas	42°56′33″N 9°14′01″O
Poboación	742 hab. (2018)
Entidades de poboación	9
[ editar datos en Wikidata ]

San Xoán de Sardiñeiro é unha parroquia que se localiza ó norte do concello de Fisterra. Segundo o padrón municipal de 2018 tiña 742 habitantes (359 mulleres e 383 homes) distribuídos en 8 entidades de poboación, o que supón unha diminución en relación ao ano 1999 cando tiña 897 habitantes.

Patrimonio

A igrexa parroquial é de estilo barroco-neoclásico. A súa construción iniciouse en 1774, sufrindo reformas e ampliacións no século XIX.

A súa planta é de salón, con muros grosos e unha soa nave. Ten tres portas de acceso á nave. A fachada actual é neoclásica, conservando do estilo barroco a moldura das ventás. A espadana foi engadida en 1900.

Carece de retablos, xa que foron destruídos nas sucesivas reformas debido ao mal estado. A ornamentación interior é escasa, destacando un crucifixo de grandes dimensións na capela maior, da escola compostelá do século XX e con claras influencias de Francisco Asorey e outros escultores galegos de principios de século.

Sobre unha ménsula está a figura de San Xoán Bautista.

Por esta parroquia pasa a 8ª etapa da ruta de sendeirismo do Camiño dos Faros.

Galería de imaxes

• 
  Casa reitoral.
• 
  Inscrición na casa reitoral.
• 
  Acceso á praia do Rostro, ao norte da parroquia de Sardiñeiro.

Véxase tamén

Outros artigos

• Lugares de Fisterra