Sandie Shaw
  | |
| Biografía | |
|---|---|
| Nacemento | (en) Sandra Ann Goodrich 26 de febreiro de 1947 (77 anos)Dagenham, Reino Unido (en)  |
| Datos persoais | |
| Outros nomes | Sandie Shaw |
| País de nacionalidade | Reino Unido |
| Relixión | Budismo |
| Educación | Universidade de Londres Robert Clack School (en) |
| Actividade | |
| Ocupación | cantante de pop , artista discográfico , Mondina (pt) |
| Período de actividade | 1964 - 2013 |
| Partido político | Partido Comunista da Grã-Bretanha (pt) |
| Xénero artístico | Música pop |
| Lingua | Lingua inglesa |
| Instrumento | Voz |
| Selo discográfico | Pye Records Polydor Records Virgin Records HMV (pt) RCA Victor Reprise Records Liberty I Dischi del Sole |
| Participou en | |
| 8 de abril de 1967 | Festival Eurovisão da Canção 1967 (pt) |
Premios | |
| Páxina web | sandieshaw.com |
         | |
Sandra Ann Goodrich, nada en Dagenham (Essex) o 26 de febreiro de 1947, é unha cantante inglesa coñecida como Sandie Shaw.
Considerada unha musa mod, en 1967 gañou o festival de Eurovisión coa canción "Puppet on a String", que foi número un no Reino Unido e un grande éxito en toda Europa. Comezou a súa carreira musical con dezasete anos, gravando éxitos como "Always Something There to Remind Me".[1]
Traxectoria[editar | editar a fonte]
Ao rematar os seus estudos, Shaw traballou como mecanógrafa no departamento de contabilidade da fábrica de automóbiles Ford Anglia de Dagenham e complementou os seus ingresos traballando como modelo publicitaria. Gañou o segundo premio nun concurso local para cantantes afeccionados e chamou a atención dun cazatalentos local.
Descuberta por Adam Faith, Sandie Shaw foi presentada á xerente Eve Taylor. O seu segundo sinxelo, "(There's) Always Something There to Remind Me", unha versión dunha canción de Lou Johnson escrita por Burt Bacharach e Hal David, foi o seu primeiro éxito en 1964.[2] Despois chegaron moitos outros éxitos, compostos por Chris Andrews, como "Girl Don't Come", o seu maior éxito nos Estados Unidos,[3] e "I’ll stop at nothing".[4][5]
A artista tamén gravou as súas cancións en italiano, francés, alemán e castelán. Tivo moito éxito na Europa continental, Suramérica e actuou en Europa do Leste e Irán antes da revolución. Os problemas do permiso de traballo impedíronlle a entrada nos Estados Unidos. Un dos seus trazos característicos era actuar descalza, o que dicía que a facía sentir máis cómoda e se sentía mellor o ambiente dunha canción. Os títulos eran producidos por Eve Taylor e Chris Andrews, mais tamén pola propia cantante (sen acreditar). Os arranxos eran de Ken Woodman.
En 1967, as vendas discográficas da artista diminuíron e a súa representante fixo que gravase cancións ao estilo de cabaré en contra da súa vontade.[6] Logo representou o Reino Unido no Festival de Eurovisión con "Puppet on a String", unha composición de Bill Martin e Phil Coulter. Declarou que odiaba a canción, que con todo gañou o Festival de 1967 cunha marxe de votos case récord,[7] e converteuse nun éxito mundial.[8] Sandie Shaw casou con Jeff Banks en 1971[9] e tiveron unha filla, Gracie, que naceu en 1971.[10]
O seu último éxito no top 10 británico foi "Monsieur Dupont", lanzado en 1969. No mesmo ano, a cantante produciu o seu propio álbum Reviewing the Situation. que contiña versións de cancións de artistas coñecidos como Bob Dylan e The Rolling Stones e converteu a Shaw na primeira artista coñecida que versionou unha canción de Led Zeppelin.
En 1972, co éxito en declive, deixou de gravar e embarcouse noutros proxectos. Escribiu un musical de rock, compuxo, actuou como actriz, escribiu e ilustrou libros infantís. Volveu tamén o seu interese cara ao budismo. Comezou entón un período de vacas fracas despois de divorciarse de Jeff Banks e mesmo aceptou un traballo de camareira.
Casou en 1982 co cofundador do grupo Virgin e presidente da Academia do Cinema Europeo Nik Powell. Sandie Shaw volveu gravar e Chrissie Hynde convidouna a actuar no escenario co seu grupo The Pretenders. O ano seguinte recibiu unha carta do cantante Morrissey e o guitarrista Johnny Marr de The Smiths,[3] que a convenceu para gravar unha versión da súa canción "Hand in Glove" que vendeu 20 000 copias durante os tres primeiros días e se colocou nas listas de éxitos do Reino Unido.[2]
Finalmente lanzou un disco, Hello Angel, en 1988, en colaboración con Stephen Street, Kevin Armstrong, Jim e William Reid de The Jesus and Mary Chain e Chris Andrews. Tres anos despois publicouse a súa autobiografía The World at My Feet. Estudou nas universidades de Oxford e Londres e converteuse en psicoterapeuta en 1994.
En 2002 gañou unha batalla legal por recuperar o seu catálogo de gravacións e publicou The Very Best of Sandie Shaw en 2005. Tamén falou das súas declaracións negativas pasadas sobre Eurovisión e admitiu estar orgulloso da súa vitoria en 1967.
Shaw anunciou a súa retirada da industria musical en 2013.[11]
Discografía[editar | editar a fonte]
- Sandie (1965)
- Me (1965)
- The Golden Hits Of Sandie Shaw (1966)
- Puppet on a String (1967)
- Love Me, Please Love Me (1967)
- The Sandie Shaw Supplement (1968)
- Reviewing The Situation (1969)
- Choose Life (1983)
- Hello Angel (1988)
- Nothing Less Than Brilliant (1994)
- Pourvu Que Ça Dure – Chante en Français (2003)
- La Cantante Scalza - Canta in Italiano (2003)
- Wiedehopf Im Mai - Sandie Shaw Singt Auf Deutsch (2004)
- Marionetas En La Cuerda - Sandie Shaw canta en español (2004)
- Reviewing The Situation (2004)
- Hello Angel (2004)
- Nothing Comes Easy (4CD box set) (2004)
- The Very Best Of Sandie Shaw (2005)
- Sandie / Me (2005)
- Puppet on a String (2005)
- Love Me, Please Love Me/The Sandie Shaw Supplement (reedición con material adicional) (2005)
Notas[editar | editar a fonte]
- ↑ "Sandie Shaw". Historias de rock. Consultado o 2020-12-25.
- ↑ 2,0 2,1 Roberts, David (2006). British Hit Singles & Albums (19th ed.). Londres: Guinness World Records Limited. p. 495. ISBN 1-904994-10-5.
- ↑ 3,0 3,1 Roberts, David (1998). Guinness Rockopedia (1st ed.). Londres: Guinness Publishing Ltd. p. 387. ISBN 0-85112-072-5.
- ↑ Whitburn, Joel (2003). Top Pop Singles 1955–2002 (en inglés) (1.ª ed.). Wisconsin: Record Research Inc. p. 365/634. ISBN 0-89820-155-1.
- ↑ Rice, Jo (1982). The Guinness Book of 500 Number One Hits (en inglés) (1.ª ed.). Enfield, Middlesex: Guinness Superlatives Ltd. p. 85. ISBN 0-85112-250-7.
- ↑ "Biography by Stephen Thomas Erlewine". Allmusic.com. Consultado o 15 de abril de 2009.
- ↑ O'Connor, John Kennedy (2007). The Eurovision Song Contest – The Official History (en inglés). UK: Carlton Books. p. 208. ISBN 978-1-84442-994-3.
- ↑ Murrells, Joseph (1978). The Book of Golden Discs (2nd ed.). Londres: Barrie and Jenkins Ltd. p. 229. ISBN 0-214-20512-6.
- ↑ Tobler, John (1992). NME Rock 'N' Roll Years (1st ed.). London: Reed International Books Ltd. p. 182. CN 5585.
- ↑ Tobler (1992). NME Rock 'N' Roll Years (1st ed.). p. 223.
- ↑ James Lachno, "Sandie Shaw has retired from music", The Telegraph, 10 de abril del 2013 (en inglés).
Véxase tamén[editar | editar a fonte]
Ligazóns externas[editar | editar a fonte]
.svg){kind=small}
| Control de autoridades |
|
|---|
