San Miguel de Castro, A Estrada

San Miguel de Castro
	Igrexa de San Miguel de Castro
Concello	A Estrada
Provincia	Pontevedra
Coordenadas	42°46′52″N 8°22′43″O / 42.78119184, -8.37849628Coordenadas: 42°46′52″N 8°22′43″O / 42.78119184, -8.37849628
Poboación	254 hab. (2022)
Entidades de poboación	13
	[ editar datos en Wikidata ]

Para outras páxinas con títulos homónimos véxase: Castro.

San Miguel de Castro é unha parroquia que se localiza no concello da Estrada. Segundo o IGE en 2022 tiña 254 habitantes (125 mulleres e 129 homes).^[2] Limita coas parroquias veciñas de Arnois e Oca, tamén limita con Santa Baia de Cira (Silleda). A parroquia posúe 13 núcleos de poboación.

Patrimonio[editar | editar a fonte]

Cruceiro do cemiterio
Castro de San Miguel
Miradoiro do Coto de Castro
Igrexa de San Miguel de Castro, de orixe románica
Cruceiro en Carballeira
Muíños no regueiro do Castelo
Muíños de Lagos
Capela de nosa señora das Angustias
Camiño Real (Vía da Prata)
Hórrea de prado
Ruta de Sendeirismo (PR-G 196)
Serra da Bugalleira
Fontes parroquiais

Igrexa parroquial[editar | editar a fonte]

É de orixe románica, xa que se sabe que estaba en pé antes do 1115. Daquela época consérvase a planta rectangular, o arco triunfal e a ábasida rectangular, na que se sabe que, debaixo de grosas capas de cal, se atopan pinturas románicas^{[Cómpre referencia]}. Nesta igrexa exíste o culto a san Miguel (o patrón), san Roque e A Nosa señora do Perpetuo Socorrro. Ademais na igrexa existen tallas de santos como san Xosé ou á Inmaculada Concepción de María.

A igrexa atópase no lugar de San Miguel, que recibe o nome do patrón. O via crucis da igrexa está rodeado do vello cemiterio, máis tarde engadíronse outros dous.

Capela da Nosa Señora das Angustias[editar | editar a fonte]

Antigamente localizada no lugar da Alberguería, e chamada capela de Santiago, foi un albergue de peregrinos. Máis tarde transladouse ao lugar do Seixo onde está situada actualmente. Nela dáse culto a santo Alberte, A Nosa Señora das Angustias e a san Franco.

O couto de Castro[editar | editar a fonte]

No lugar de Castro érguese un monte de case 300 metros de altura onde antigamente estivo localizado un castro. Non se conservan restos, pero é un dos mellores miradoiros da comarca, coas vistas do Pico Sacro e do val do Ulla.

Muíños[editar | editar a fonte]

Esta parroquia está atravesada por cinco regueiros principais, os cales contan con numerosos muíños como o de Louzao ou o de Reimóndez.

O camiño Real[editar | editar a fonte]

Tamén chamado Vía da Prata, provén do suroeste do país e entra á parroquia polo lugar da Carballeira, atravesando os lugares de Prado, o Seixo, Castro, e saíndo por Gundián, que xa pertence á Ulla, para encamiñarse a cruzar o río Ulla.

Hórrea de prado[editar | editar a fonte]

Situada no lugar de Prado, atópase unha hórrea (unha das únicas da bisbarra).

Festas parroquiais[editar | editar a fonte]

22 de abril (ou domingo seguinte): A Nosa Señora das Angustias, avogosa das mulleres en parto.
8 maio (ou domingo seguinte): Corpus Christi (Santísimo).
25 de xullo: Festa do bolo preñado.
7 de agosto: santo Alberte, avogoso da sorte do millo e da pataca.
29 de setembro: san Miguel (o patrón).
30 de setembro: Perpetuo Socorro e san Roque.

Orografía[editar | editar a fonte]

San Miguel de Castro está atravesada por unha cadea montañosa, derivada do Pico Sacro, con principais cumios o Couto de Castro (287 m), a 172 m unha pequena elevación onde a igrexa parroquial, e a serra da Bugalleira, con tres picos principais de 275, 268 e 273 metros de altitude. Tamén está no centro da parroquia, o monte maior con 317 m.

Centros sociais[editar | editar a fonte]

Os principais puntos de encontro que hai na parroquia están no lugar do Seixo, onde se atopa o campo da festa cun pequeno palco, e inmediata a antiga escola, e o teleclub, unha pista de petanca e un parque. Tamén existe un campo de fútbol. Así como a antiga casa reitoral onde a igrexa.