Samuel L. Mitchill

Na Galipedia, a Wikipedia en galego.
Samuel Latham Mitchill
Nacemento20 de agosto de 1764
Lugar de nacementoHempstead, condado de Nassau, Nova York, Estado de Nova York
Falecemento3 de marzo de 1809
Lugar de falecementoNova York
SoterradoGreen-Wood Cemetery
Nacionalidadeestadounidense
Alma máterUniversidade de Edimburgo
Ocupaciónmédico, naturalista e político
EstudosDoutor en Medicina
PremiosFellow of the Royal Society of Edinburgh e Fellow of the American Academy of Arts and Sciences
Na rede
WikiTree: Mitchill-1 Find a Grave: 3909 Editar o valor em Wikidata
editar datos en Wikidata ]

Samuel Latham Mitchell, nado en Hempstead, condado de Nassau, Estado de Nova York o 20 de agosto de 1764, e finado na cidade de Nova York o 7 de setembro de 1831, foi un médico, naturalista e político estadounidense.

Traxectoria[editar | editar a fonte]

Formación e primeiros traballos[editar | editar a fonte]

Samuel L. Mitchill doutorose en Medicina en 1786 na Universidade de Edimburgo, Escocia. Ao su regreso aos Estados Unidos, comezou a traballar como médico e completou os estudos de Dereito.[1]

Actividade política[editar | editar a fonte]

Mitchill foi membro da Asemblea do estado de Nova York en 1791 e, máis tarde, en 1798. En 1801 foi elixido para formar parte da Cámara de Representantes dos Estados Unidos como membro do partido Demócrata-Republicano. En novembro de 1804 deixou o posto que ocupaba e pasou ao Senado en representación de Nova York, permanecendo no cargo até novembro de 1809. Ao ano seguiente regresou como membro da Cámara de Representantes até marzo de 1813.[1]

Na súa actividade política mostrou especial interese pola mellora da mariña estadounidense. Como membro da Asemblea do estado de Nova York logrou financiamento para os ensaios con barcos de vapor que Robert Fulton e Robert R. Livingston realizaron en augas de Nova York. Desde Washington, DC preocupouse por temas tan variados como a calidade da pólvora ou a mellora da saúde dos mariños.[2]

Durante a Guerra anglo-estadounidense de 1812 formou parte dunha comisión da US Navy para o desenvolvemento e mellora da armada e a defensa das costas e os portos.[3]

Actividade científica[editar | editar a fonte]

Entre 1792 e 1801 foi profesor no Columbia College, dependente da Universidade de Columbia, onde impartiu clases de química, botánica e historia natural entre 1792 e 1801.[4] Nesta época impulsou a creación de The Medical Repository, a primeira revista médica dos Estados Unidos, da que foi editor e na que publicou numerosos artigos, tanto de medicina como de historia natural.

En 1795 expuso unha teoría sobre o contaxio de enfermidades que, aínda que resultou errónea, permitiulle descubrir as calidades anestésicas do óxido nitroso cinco anos antes de que as fixese públicas Humphry Davy.[5]

En 1796 estudou a xeoloxía da conca do río Hudson e divulgou as súas observacións no primeiro e no segundo volume de The Medical Repository en 1798 e 1799 baixo o título de Sketch of the Mineralogical History of the State of New York.[6]

Tamén desde o punto de vista xeolóxico, Mitchill ofreceu en 1815 unha detallada explicación do terremoto de Nueva Madrid (Missouri) que se produciu o 16 de decembro de 1811.[7][8]

Despois dunha longa carreira política, en 1813 volveu a dar clases no New York College of Physicians and Surgeons, dependente da Universidade de Columbia, do que fora un dos seus fundadores.[2]

Entre os múltiples estudos que realizou sobre historia natural destacan os dedicados á botánica de América, recollidos no discurso que pronunciou en 1813 na Sociedade Histórica de Nova York[9] e o seu texto Fishes of New York[10] (1815), que incluía a descrición de 166 especies de peixes de auga doce e salgada[11] que se considera unha das obras ictiolóxicas máis importantes da súa época.[12]

Foi membro activo de numerosas sociedades científicas, algunhas das cales axudou a fundar. Entre 1797 e 1820 ocupou o cargo de secretario da American Philosophical Society de Filadelfia e foi presidente da Sociedade Mineralóxica Americana. En 1814 fundou a New York Literary and Philosophical Society e, en 1817, o Lyceum of Natural History of New York (que máis tarde se convertería na Academia de Ciencias de Nova York). En 1821 presidiu a New York State Medical Society e, en 1826, fundou o Rutgers Medical College en Nova Jersey e foi seu vicepresidente durante os catro anos que perdurou a institución.[13]

Abreviatura[editar | editar a fonte]

A abreviatura Mitchill emprégase para recoñecer a Samuel L. Mitchill como autoridade na descrición e taxonomía en zooloxía.

Notas[editar | editar a fonte]

  1. 1,0 1,1 "Mitchill, Samuel Latham". Biographical Directory of the United States Congress. Consultado o 28 de maio de 2022. 
  2. 2,0 2,1 Aberbach, Alan. D. (1964). "Samuel Latham Mitchill: A physician in the early days of the Republic" (PDF). Boletín da Academia de Medicina de Nova York 40 (7): 501–510. Consultado o 28 de maio de 2022. 
  3. "Sketch of Samuel Latham Mitchill". Popular Science Monthly 38 (39): 691–698. marzo de 1891. Consultado o 28 de maio de 2022. 
  4. {cita publicación| apelidos= McCaughey | nome= Robert A. | título= Stand, Columbia: a history of Columbia University in the city of New York, 1754-2004 | editorial= Columbia University Press | localidade= Nova York | ano= 2003 | isbn= 978-0-2311-3008-0 | páxina=60}}
  5. Bergman, Norman A. (1985). "Samuel Latham Mitchill. A Neglected American Pioneer of Anesthesia". JAMA. Journal of the American Medical Association 235 (5): 675–678. 
  6. Beck, Lewis C. (1842). "Mineralogy of New York". Natural history of New York 3. White & Visscher: ix. 
  7. Fuller, Myron L. (1912). "The New Madrid earthquake". Geological Survey bulletin 494. Washington, DC: Goverment printing office: 21. Consultado o 28 de maio de 2022. 
  8. Mitchill, Samuel L. (1815). "A detailed narrative of the earthquake which occurred on the 16th day of December, 1811". Trans. Lit. and Philos. Soc. New York 1: 281–307. 
  9. Mitchill, Samuel L. (1814). "A discourse delivered before the New York historical society, at their anniversary meeting, 6th December, 1813. Embracing a concise and comprehensive account of the writings which illustrate the botanical history of North and South America". Nova York: Van Winkle and Wiley. 
  10. Mitchill, Samuel L. (1815). "The fishes of New York". Literary and Philosophical Society of New York. Transactions vol. 1. Nova York: Van Winkle and Wiley: 354–492. Consultado o 28 de maio de 2022. 
  11. Sigler, W. F.; Sigler, J. W. (1990). "Recreational fisheries: management, theory, and plication". University of Nevada Press: 3. ISBN 978-0-8741-7139-6. 
  12. Clinton, DeWitt (1815). "Some remarks on the Fishes of the Western Waters of the State of New York". Literary and Philosophical Society of New York. Transactions vol. 1. Nova York: Van Winkle and Wiley: 493–501. Consultado o 28 de maio de 2011. 
  13. "Samuel Latham Mitchill papers 1802-1815". Manuscripts Division. Biblioteca William L. Clemens. Universidade de Michigan. Consultado o 28 de maio de 2022.