Samuel Botsford Buckley

Samuel Botsford Buckley
Nacemento	9 de maio de 1809
Lugar de nacemento	Torrey, Nova York
Falecemento	18 de febreiro de 1884
Lugar de falecemento	Austin, Texas
Nacionalidade	estadounidense
Alma máter	Universidade Wesleyana
Ocupación	naturalista, xeólogo
[ editar datos en Wikidata ]

Samuel Botsford Buckley, nado o 9 de maio de 1809 en Torrey, Nova York, e finado o 18 de febreiro de 1884 en Austin, Texas, foi un xeólogo e naturalista estadounidense especializado en botánica e entomoloxía.

Traxectoria

Buckley graduouse na Universidade Wesleyana en 1836.

Estudou a florabotánica dos estados do sur dos Estados Unidos e descubriu moitas novas especies de plantas e caracois.

Foi xeólogo do estado de Texas entre 1860 e 1861, e determinou a altura do monte Buckley (que leva o seu nome) nas Great Smoky Mountains de Carolina do Norte, xunto con outros picos.

Foi o editor científico da State Gazette en Austin, Texas entre 1871 e 1872.

Escribiu numerosos artigos científicos e libros sobre árbores e arbustos norteamericanos.

Algunhas publicacións

• 1860. "The cutting ant of Texas". Proceedings of the Academy of Natural Sciences of Philadelphia 12: 233–236.
• 1860. "Myrmica (Atta) molefaciens, "Stinging Ant" or "Mound-Making Ant" of Texas". Proceedings of the Academy of Natural Sciences of Philadelphia 1860: 445–447.
• 1861. "Note on ants in Texas". Proceedings of the Academy of Natural Sciences of Philadelphia 13: 9–10.
• 1866. "Descriptions of new species of North American Formicidae". Proceedings of the Academy of Natural Sciences of Philadelphia 6: 152–172; 335–350.

Honores

Eponimos

O xénero Buckleya, da familia das santaláceas, que comprende especies de arbustos semiparasitos, leva o seu nome na súa honra.

Abreviatura

A abreviatura Buckley emprégase para recoñecer a Samuel Botsford Buckley como autoridade na descrición e taxonomía en botánica.