Salyut 7

Na Galipedia, a Wikipedia en galego.
Saltar ata a navegación Saltar á procura
Salyut 7 / DOS-6
Salyut 7 drawing.png
Esquema da Salyut 7.
TipoCientífico / tecnolóxico / tripulado
Contratistas principaisNPO Energia
Data de lanzamento19 de abril de 1982, 19:45 GMT[1][2][3][4]
Foguete portadorProton K[2][5]
Sitio de lanzamentoCosmódromo de Baikonur, rampla 200/40[2][6]
Obxectivo da misiónComprobación dos sistemas e elementos da estación espacial, estudo do efecto no corpo humano de estancias prolongadas no espazo.[2][6]
Decaemento7 de febreiro de 1991[1]
NSSDC ID1982-033A
Masa18 900 kg[6]

Salyut 7, tamén coñecida como DOS-6, foi a cuarta estación espacial civil soviética lanzada con éxito. Partiu cara o espazo 19 de abril de 1982 mediante un foguete Proton K desde o cosmódromo de Baikonur.[2][5][6]

Características[editar | editar a fonte]

Salyut 7 foi unha estación espacial de tipo DOS (acrónimo en ruso de Dolgovremennaya Orbitalnaya Stanziya, estación espacial duradeira) de segunda xeración, derivada das estacións militares do proxecto Almaz. Foi construída como respaldo da Salyut 6 e deseñada para estancias de longa duración, para o cal contaba con dous portos de atraque, o que permitía o acoplamento dunha nave tripulada Soyuz e ao mesmo tempo a visita de naves de carga automáticas Progress ou módulos pesados provenientes do programa Almaz. A enerxía era producida por tres paneis solares e a súa masa no momento do lanzamento era de 18 900 kg. Dispoñía de fornos eléctricos, unha neveira, auga quente constante e dous dos portelos permitían o paso da luz solar ultravioleta para actuar como desinfectante. As seccións médicas, biolóxicas e de adestramento foron melloradas para facer máis cómodas as estancias longas.[2][5][6]

A pesar de que Salyut 7 era moi similar a Salyut 6 foi menos productiva por varios problemas técnicos. De tódolos xeitos durante a súa vida útil acopláronselle temporalmente dous módulos pesados para ampliar as súas funcións: o Kosmos 1443, acoplado o 10 de marzo de 1983 e usado pola tripulación da Soyuz T9, desacoplándose o 19 de setembro; e o Kosmos 1686, acoplado o 2 de outubro de 1983 e usado polos cosmonautas da Soyuz T14.[2][5][6]

A estación recibiu a visita de seis tripulacións de longa estancia:[2][5][6]

Ademais, recibiu a visita de catro misións visitantes de curta estancia. En total, 22 cosmonautas pasaron pola estación, cinco deles visitandoa en dúas ocasións e un en tres. Once Soyuz T encargáronse de levar ás diferentes tripulacións ata a Salyut 7, mentres que 15 cargueiros Progress proveeron de subministracións á estación. Durante a súa vida útil fixéronse trece EVA.[2][5][6]

Entre o 19 e o 22 de agosto de 1986 os controladores de terra elevaron a órbita da estación, xa desocupada, ata os 474 x 492 km, coa esperanza de ser recuperada polo transbordador Buran antes de decaer. Debido á cancelación do Buran e a unha actividade solar maior do esperado o freado atmosférico tivo lugar a maior velocidade da calculada e a Salyut 7 acabou reentrando na atmosfera, sobre Arxentina, o 7 de febreiro de 1991[2][5][6]

A estación protagonizou o primeiro paseo espacial dunha muller, Svetlana Yevguénievna Savitskaya, en 1982.[7]

Notas[editar | editar a fonte]

  1. 1,0 1,1 N2YO (2017). Real Time Satellite Tracking, ed. "SALYUT 7" (en inglés). Consultado o 22 de marzo de 2017. 
  2. 2,0 2,1 2,2 2,3 2,4 2,5 2,6 2,7 2,8 2,9 NASA (9 de marzo de 2017). "Salyut 7" (en inglés). Arquivado dende o orixinal o 22 de marzo de 2017. Consultado o 22 de marzo de 2017. 
  3. "Note verbale dated 17 August 1982 from the Permanent Mission of the Union of Soviet Socialist Republics to the United Nations addressed to the Secretary-General" (PDF). COMMITTEE ON THE PEACEFUL USES OF OUTER SPACE (82-24372): 2. 16 de setembro de 1982. Consultado o 22 de marzo de 2017. 
  4. Claude Lafleur (2010). "Salyut 7" (en inglés). Consultado o 22 de marzo de 2017. 
  5. 5,0 5,1 5,2 5,3 5,4 5,5 5,6 Gunter Dirk Krebs (2017). Gunter's Space Page, ed. "Salyut 6, 7 / DOS 5, 6" (en inglés). Consultado o 22 de marzo de 2017. 
  6. 6,0 6,1 6,2 6,3 6,4 6,5 6,6 6,7 6,8 Mark Wade (2017). "Salyut 7" (en inglés). Consultado o 22 de marzo de 2017. 
  7. García, Victoria (2019-03-08). "Sentímolo pola NASA: Svetlana deu o primeiro paseo espacial en 1984". GCiencia. Consultado o 2019-03-10. 

Véxase tamén[editar | editar a fonte]

Outros artigos[editar | editar a fonte]