Salvador (Puig Antich)

Salvador (Puig Antich)
Ficha técnica
Título orixinal	Salvador (Puig Antich)
Director	Manuel Huerga
Produtor	Jaume Roures
Guión	Lluís Arcarazo
Baseado en	Libro de Francesc Escribano
Intérpretes	Daniel Brühl; Tristán Ulloa; Leonardo Sbaraglia; Leonor Watling; Ingrid Rubio
Música	Lluís Llach
Fotografía	David Omedes
Montaxe	Aixalà; Santi Borricón
Estudio	Future Films; Mediapro
Distribuidora	20th Century Fox
Estrea	8 de setembro de 2006
Duración	134 minutos
Orixe	España; Reino Unido
Xénero	Drama
Recadación	2,7 millóns de €
Na rede

Salvador (Puig Antich) é un filme español de 2006 dirixido por Manuel Huerga e protagonizada por Daniel Brühl. Está baseado no libro de 2001 de Francesc Escribano Cuenta atrás. La historia de Salvador Puig Antich.^[1] O filme reconstrúe os últimos anos, a detención, o proceso e a execución por medio de garrote vil de Salvador Puig Antich o 2 de marzo de 1974. Gañou o Premio Goya ó mellor guión adaptado, escrito por Lluís Arcarazo.

O filme estreouse na sección Un Certain Regard do Festival Internacional de Cinema de Cannes de 2006.^[2]

Sinopse[editar | editar a fonte]

A finais da ditadura franquista, un grupo anarquista coñecido como Movemento Ibérico de Liberación (MIL) dedícase a cometer atracos co obxectivo de obter cartos para as súas actividades en contra da ditadura. Mais a situación muda cando no medio dun tiroteo morre un policía e o acusado é un dos seus membros: Salvador Puig Antich (Daniel Brühl). Xulgado por un consello de guerra que fixo desaparecer probas, Salvador foi sentenciado a morte e fixo o posíbel por demostrar a súa inocencia.