Salva Kiir Mayardit

Na Galipedia, a Wikipedia en galego.
Salva Kiir Mayardit
Nacemento13 de setembro de 1951
Lugar de nacementoBahr el Ghazal
NacionalidadeSudán do Sur e Sudán
Relixióncatolicismo
Ocupaciónpolítico e militar
CónxuxeMary Ayen Mayardit
Na rede
Twitter: PresidentKiir Editar o valor em Wikidata
editar datos en Wikidata ]

Salva Kiir Mayardit,[1][2] nado en Bahr al-Ghazal o 13 de setembro de 1951, é un político sursudanés, membro da etnia dinka e presidente de Sudán do Sur desde o 30 de xuño de 2005.[3]

Traxectoria[editar | editar a fonte]

Membro fundador do Exército Popular de Liberación de Sudán (SPLA), foi elixido polos dirixentes do SPLA para continuar co proceso de paz que formalmente puxo fin á segunda guerra civil sudanesa en xaneiro de 2005. Do mesmo xeito que Garang, provén da tribo dinka, a máis numerosa no sur de Sudán, mais pertencente a un clan diferente.

Na década de 1960, Kiir uniuse aos rebeldes do sur na primeira guerra civil sudanesa.

Presidente do Goberno Autónomo[editar | editar a fonte]

Tras a morte de John Garang a finais de xullo de 2005, substituíuno como vicepresidente de Sudán (11 de agosto de 2005) e presidente do goberno autónomo de Sudán do Sur (o cargo de vicepresidente pasou a Riak Machar).

Cando se abriu o consello lexislativo de Sudán do Sur en Juba (setembro 2005) estivo presente e en outubro anunciou a formación dun goberno. En novembro produciuse unha escisión no SPLM pola disputa da presidencia do parlamento entre Minni Arkou Minnawi (que foi elixido) e Abdelwahid Mohamed en-Nour, e Kiir logrou un compromiso entre as dúas faccións. En decembro de 2005 asinou a constitución de Sudán do Sur.

Presidente da República[editar | editar a fonte]

Kiir foi reelixido presidente co 93 % dos votos nas eleccións sudanesas de 2010.[3] Aínda que a votación tanto a nivel nacional como subnacional, foi criticada por activistas democráticos e observadores internacionais, a esmagadora marxe gañadora da reelección Kiir foi sinalada por algúns medios de comunicación como o "Primeiro Paso" no proceso de secesión de Sudán.[4] Despois da súa reelección, Omar al-Bashir reelixiu a Kiir como o seu vicepresidente de acordo coa constitución provisional.[5]

Tras o referendo de independencia do Sudán do Sur de 2011, Kiir foi confirmado como o primeiro presidente do novo país.

Notas[editar | editar a fonte]

  1. "Salva Kiir: South Sudan's president in a cowboy hat". BBC News (en inglés). 3 de xaneiro de 2011. Consultado o 11 de decembro de 2022. 
  2. "Copia archivada". Arquivado dende o orixinal o 4 de marzo de 2016. Consultado o 22 de decembro de 2010. 
  3. 3,0 3,1 elEconomista.es (26 de abril de 2010). "Salva Kiir reeelecto presidente de Sudán del Sur - EcoDiario.es". ecodiario.eleconomista.es (en castelán). Consultado o 11 de decembro de 2022. 
  4. Gettleman, Jeffrey (26 de abril de 2010). "Bashir Wins Election as Sudan Edges Toward Split". The New York Times (en inglés). ISSN 0362-4331. Consultado o 11 de decembro de 2022. 
  5. "Fresh fighting between JEM rebels and Sudanese army in Darfur". Sudan Tribune (en inglés). 22 de xuño de 2011. Consultado o 11 de decembro de 2022. [Ligazón morta]

Véxase tamén[editar | editar a fonte]

Ligazóns externas[editar | editar a fonte]