Saga de Erik o Roxo

Saga de Erik o Roxo
Título    Eiríks saga rauða (is)
Instancia de obra literaria  Parte de Hauksbók
Características  Xénero artístico saga  Tema principal Colonización viquinga en América  Personaxes Þorbjörg Lítilvölva (en) Guðríðr Þorbjarnardóttir (pt)  Edicións The Finding of Wineland the Good (en) Q108854662  Lingua nórdico antigo
Datas  Fundación / creación século XIII
Códigos e identificadores Freebase /m/01sfjt
Fontes e ligazóns
Wikidata C:Commons

A Saga de Erik o Roxo (nórdico antigo: Eiríks saga rauða) é unha obra literaria en prosa que narra as aventuras dun grupo de viquingos que colonizaron Groenlandia, Marklandia e Vinlandia.

Esta é unha das sagas islandesas do século XIII, de autor anónimo. Consérvanse dúas versións diferentes en senllos manuscritos: o Hauksbók (século XIV) e mais o Skálholtsbók (século XV).

Foi editada en galego por Rinoceronte Editora, cunha tradución de Elías Portela.

Comentarios

Este é un dos rexistros e fontes utilizados polos investigadores para estudar o posíbel contacto entre Europa e América no ano 1000, uns cinco séculos antes da chegada de Cristovo Colón.

Argumento

En esencia, a Saga de Erik o Roxo relata os mesmos acontecementos que a Saga dos groenlandeses: Uns viquingos de orixe norueguesa, entre eles Erik o Roxo, parten desde Islandia e descobren Groenlandia, a cal colonizan. Máis tarde, Leif Eriksson diríxese máis ao oeste e establécese na terra que denominan Vinland (Terra do Viño), pero os ataques de indíxenas e outras dificultades obrígaos a retirárense, ao cabo duns anos.

Tres diferentes rutas de navegación a Groenlandia, Vinland (Newfoundland), Helluland (Illa de Baffin) e Markland (Labrador) recorridas por diferentes personaxes nas sagas islandesas.