Sabine Bourgey

Na Galipedia, a Wikipedia en galego.
Saltar ata a navegación Saltar á procura
Sabine Bourgey
Datos persoais
Nacemento27 de outubro de 1956
LugarBlason ville boulogne billancourt.svg Boulogne-Billancourt.
Blason Île-de-France moderne 1.svg Illa de Francia.
Flag of France.svg Francia
NacionalidadeFrancesa.
Actividade
CampoNumismática.
Alma máter- Universidade Sorbona
- Universidade Panthéon-Assas.
Contribucións e premios
Coñecida por- Comercio numismático.
- Publicacións numismáticas.
Premios1997: Premio literario da Asociación Internacional de Numismáticos Profesionais.
editar datos en Wikidata ]

Sabine Bourgey, nada en Boulogne-Billancourt, nos Altos do Sena, é unha numismática francesa experta no comercio de moedas e autora de diversas publicacións sobre este tema. Desde 1993, dirixe a compañía familiar Bourgey, fundada en París en 1895 polo seu avó.[1][2]

Raíces familiares[editar | editar a fonte]

As orixes coñecidas da familia levan a 1610, a un establecemento de ferrería establecido no departamento de Isère. Étienne Bourgey, o avó de Sabine, desprazouse a París para crear alí un gabinete de numismática en 1895, e sábese que en 1907 xa se atopaba no número 7 da rúa Drouot, onde mantén a súa sede actual.[2] A compañía tivo un grande éxito, en parte grazas ao numismático estadounidense Archer Huntington, daquela presidente da American Numismatic Society, que foi un dos seus principais clientes antes da I guerra mundial.[3] Émile Bourgey, o seu fillo, retomou o gabinete despois da II guerra, en 1946, e chegou a se converter nun gran experto en grandes poxas numismáticas.[1]

Traxectoria[editar | editar a fonte]

Sabine Bourgey, filla de Émile Bourgey, graduouse en Historia na Sorbona e en Dereito na Universidade Panthéon-Assas. En 1982 doutorouse na Sorbona (Paris IV) cunha tese sobre os tesouros monetarios dos séculos V e VI en Italia (Les trésors de monnaies en Italie aux Ve et VIe siècles).[1][2]

Realizou diversas reportaxes acompañando, a partir de 1985, as expedicións estadounidenses na procura de de galeóns españois como o Nuestra Señora de las Maravillas, afundido nas costas das Bahamas en 1656. Sobre este asunto publicou dúas monografías, unha en 1988 (Trésors, archives secrètes) e outra en 1996 (Trésors, légendes et réalités), esta última premiada en 1997 pola Asociación Internacional de Numismáticos Profesionais.[1][2][4]

Á morte do seu pai en 1993, socedeuno na xerencia da compañía familiar e introduciuse no mundo das grandes vendas pública de moedas, sen esquecer as publicacións, con diversos traballos sobre a arte na moeda, algúns deles en colaboración con Georges Depeyrot e con Jean-Luc Desnier.[1][5]

Transcendendo o ámbito numismático, a partir de 2001, publicou varios traballos sobre temática social e mesmo fixo unha incursión na novela, con Le trésor de la rue Mouffetard (2012), editada pola súa propia editorial, Éditions Bourgey. En maio de 2018 publicou a súa segunda novela: Fatale sélection.[1][5]

Sabine Bourgey foi vicepresidenta do Sindicato Nacional de Anticuarios de Francia entre 2004 e 2013; forma parte do Conseil des Ventes Volontaires desde 2011 e é vicepresidenta da Compagnie Nationale des Experts desde 2015.[6] En 2001 Creou o Premio SNA, do libro de arte, no seo do Sindicato Nacional de Anticuarios.[1][7]

Bourgey é membro do Comité de Ética de Canal+ Francia desde novembro de 2017.[1]

Publicacións[editar | editar a fonte]

Estas son as publicacións de Sabine Bourgey ao longo da súa traxectoria como autora:[8][9]

Monografías[editar | editar a fonte]

Novela[editar | editar a fonte]

Notas[editar | editar a fonte]

  1. 1,0 1,1 1,2 1,3 1,4 1,5 1,6 1,7 "Sabine Bourgey: biographie". Société des Gens de Lettres.
  2. 2,0 2,1 2,2 2,3 "Depuis 1895...". Sabine Bourgey Numismatique.
  3. Biografía de Huntington, como membro da American Numismatic Society.
  4. "IAPN-Book Prize. No sitio web de IAPN-AINP.
  5. 5,0 5,1 Véxase a sección "Publicacións".
  6. "Conseil d'Administration Arquivado 20 de febreiro de 2020 en Wayback Machine.". Compagnie Nationale des Experts.
  7. "Le Prix SNA du livre d'art". Syndicat National des Antiquaires.
  8. "Sabine Bourgey: bibliographie". Société des Gens de Lettres.
  9. "Bourgey, Sabine". WorldCat.

Véxase tamén[editar | editar a fonte]

Ligazóns externas[editar | editar a fonte]