Sabadelle, Sabadelle, O Pereiro de Aguiar
| San Martiño de Sabadelle | |
|---|---|
| Parroquia | Sabadelle |
| Concello | O Pereiro de Aguiar |
| Coordenadas | 42°21′39″N 7°49′08″O / 42.36091148987, -7.8187977919209Coordenadas: 42°21′39″N 7°49′08″O / 42.36091148987, -7.8187977919209 |
| Poboación | 276 hab. (2023) |
| [ editar datos en Wikidata ] | |
.jpg)
Sabadelle é un lugar da parroquia de Sabadelle no concello ourensán do Pereiro de Aguiar na comarca de Ourense.[1] Segundo o IGE,[2] en 2023 tiña 276 habitantes (141 homes e 135 mulleres).
Demografía[editar | editar a fonte]
| 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 | 2017 | 2018 |
|---|---|---|---|---|---|---|---|---|---|---|---|---|---|---|---|---|---|---|
| 243 | 257 | 259 | 257 | 247 | 253 | 258 | 265 | 252 | 249 | 243 | 249 | 250 | 244 | 243 | 241 | 240 | 239 | 232 |
Patrimonio histórico[editar | editar a fonte]
O cruceiro de Sabadelle está composto por baste, fuste, capitel e cruz, ademais de contar con pequenas esculturas e ornamentacións. Estas son máis simbólicas que decorativas, e as esculturas ou relevos son sobre temas relixiosos. Está situado nunha encrucillada, un lugar polo que adoitan pasar os cadaleitos. É un elemento post-románico ben conservado que xurdiu polo afán de imitar ás cruces procesionais.
A igrexa de San Martiño de Sabadelle é de planta románica. Consta dunha nave e dun amplo plesbiterio. Durante o ano 1847 cambióuselle a fachada de leste a oeste. A súa actual porta principal é de dobre arquivolta sobre semiculumnas acaroadas. A súa portada está apoiada sobre columnas en xambas. Ten tamén un tímpano liso con dous corpos; o primeiro con dous arcos para as dúas campás e a segunda cun só, do que xorde unha estrutura con forma piramidal e unha cruz. No seu interior atopamos un sepulcro do século XVI e elementos de influencia mudéxar [3].
O pazo da Fronteira erixiuse nos séculos XVI e XVII. Consta dunha construción popular e ten un gran muro de pedra que bordea todo o pazo. É un edificio a catro augas do que se elevan dous faiados da parte central. Xunto ó edificio hai unha torre con dous andares, con tellados a catro augas e con ventás alinteladas. Tamén atopamos un hórreo e un gran pombal aínda conservados a día de hoxe en bo estado.
No cruzamento da estrada que vai dende o pobo cara Tibiás atopámonos cun peto -unha pequena construción con relieve-, no que se representan as "ánimas" no purgatorio, no que se poden depositar esmolas.
Servizos[editar | editar a fonte]
Os servizos mínimos como a educación e a sanidade non están cubertos. Respecto ó primeiro, os nenos e nenas do pobo deben acudir ó CEIP Pluríngüe Ben-Cho-Shey, situado no Lugar de Cortiñas. O centro médico máis preto está no Pereiro.
Ao non contar con establecementos, a panadaría de Velle recorre as rúas da vila todos os días cunha furgoneta. A froitaría, carnizaría e panadaría empregan o mesmo método, achegándose ata dúas veces por semana.
Festa popular[editar | editar a fonte]
A festa tradicional popular na honra de San Martiño celébrase todos os anos durante a primeira quincena do mes de novembro, estando organizadas por unha comisión de veciños que se rota cada dous anos. Teñen lugar na cancela habilitada tras o edificio do bar da comisión. As festas son sufragadas polos veciños, que asumen unha cuantía fixa por vivenda.
Lugares e parroquias[editar | editar a fonte]
Lugares de Sabadelle[editar | editar a fonte]
| Lugares da parroquia de Sabadelle no concello do Pereiro de Aguiar (Ourense) | |
|---|---|
|
Lagocios | Parada | Sabadelle | San Benito da Veiga | Seoane | Vilaboa | Xubande |
Parroquias do Pereiro do Aguiar[editar | editar a fonte]
Notas[editar | editar a fonte]
- ↑ Nomenclátor de Galicia. Busca directa (ed.). "Lugares da parroquia de Sabadelle, O Pereiro de Aguiar". Consultado o 18 de maio de 2023.
- ↑ "Instituto Galego de Estatística, consulta do nomenclátor". Xunta de Galicia.
- ↑ "Igrexa de San Martín de Sabadelle". Arquivado dende o orixinal o 15 de setembro de 2019. Consultado o 2019-05-17.