SMS (Sin miedo a soñar) é unha serie de televisión transmitida por LaSexta. Previo á estrea da primeira tempada, o 7 de xullo do 2006, LaSexta emitiu un especial no que se incluían os 4 primeiros capítulos da serie. A partir do día 10 de xullo empezou a primeira tempada, que constou de 120 capítulos.
O día 29 de decembro de 2006 acabouse a primeira tempada e, sen ningún descanso na realidade, pero un mes despois na ficción, o 1 de xaneiro de 2007 empezou a segunda tempada, que se emitiu ata o 30 de marzo dese mesmo ano en LaSexta.
Conta a historia dun grupo de adolescentes de clase alta cuxa vida cambia bruscamente tras a chegada de Edu, un mozo de barrio.
O contraste entre ambos os mundos, xunto coas relacións sentimentais do grupo de adolescentes, conforman o armazón dunha serie xuvenil que engade un novo elemento ao xénero: unha trama de suspense, ligada a un misterioso asasinato no que se ven envolvidos tres dos protagonistas.
Ao longo dos capítulos, o público contemplará o nacemento dun grupo de música, a investigación do crime, un romance imposible e, en definitiva, a transformación da vida dunha cuadrilla de adolescentes que, con 16 anos, empezan a asomarse á vida.
