Sérgio Godinho

Sérgio Godinho
Nacemento	31 de agosto de 1945
Lugar de nacemento	Porto
Nacionalidade	Portugal
Ocupación	poeta, compositor, cantante, guionista, compositor de cancións e artista discográfico
Premios	Oficial da Ordem da Liberdade
Na rede
	[ editar datos en Wikidata ]
	v; c; e;

Sérgio Godinho é un poeta, compositor e intérprete de cancións portugués.

Biografía[editar | editar a fonte]

Nado en 1945 no Porto, e con máis de 30 anos de carreira, Sérgio Godinho é un dos grandes nomes da música portuguesa, caracterizado tamén pola súa figura polifacética que o fixo participar tamén en series de televisión, cinema, e mesmo teatro, tanto como dramaturgo, músico e realizador.

Aos 20 anos sae de Portugal, para fuxir do recrutamento forzoso para a guerra colonial na África. Permanece 9 anos afastado do país. A súa estadía máis demorada será en París, onde integra durante dous anos o elenco do musical “Hair” e comeza a facer as súas primeiras músicas, tomando contacto con outros músicos portugueses no exilio, como José Mário Branco, José Afonso e Luís Cília. Pasou parte do exilio tamén en Ámsterdam, Brasil e Vancouver.

En 1971 colabora no primeiro álbum en solitario de José Mário Branco, Mudam-se os tempos mudam-se as vontades, e gravando nese mesmo ano en Francia o seu propio primeiro LP en solitario Os sobreviventes. Aíndo do exilio data a gravación Pré-histórias (1972). Aínda que constantemente censurados, estes álbums conseguiron alcanzar a popularidade entre o público portugués no ano seguinte, chegando a ser mesmo premiado pola prensa como “Autor do ano” e Os Sobreviventes como “Disco do ano”.

Xa no Canadá, casou con Shila, compañeira na compañía de teatro The Living Theatre, estabelecéndose nunha comunidade hippie en Vancouver. Alí recibirá a nova da revolución do 25 de abril, que o leva a regresar a Portugal. Xa en terras lusitanas, edita o álbum À queima-roupa (1974) cun enorme éxito, e percorre o país actuando en manifestacións populares.

Desde entón até hoxe a súa carreira continúa, sendo autor dalgunhas das cancións máis aclamadas da historia da música portuguesa^{[Cómpre referencia]}, como "É terça-feira" e "Com um brilhozinho nos olhos".