Rush é o álbum de estrea da banda canadense de hard rockRush, publicado o 1 de marzo de 1974 a través do selo Moon Records. O disco amosa moito do típico son heavy metal das populares bandas británicas aparecidas a comezos da década. Rush eran seareiros de grupos como Led Zeppelin e Cream, e esas influencias poden escoitarse na meirande parte das cancións do álbum. O batería orixinal John Rutsey tocou en todos os temas, pero era incapaz de realizar unha extensa xira debido á súa diabetes e deixou o grupo despois da edición do álbum. Ao pouco tempo sería substituído por Neil Peart.
