Rosamunde Pilcher
| Biografía | |
|---|---|
| Nacemento | (en) Rosamunde Scott  22 de setembro de 1924 Lelant, Reino Unido |
| Morte | 6 de febreiro de 2019 (94 anos) Longforgan, Reino Unido (en)  |
| Causa da morte | ictus |
| Educación | Howell's School (en) |
| Actividade | |
| Campo de traballo | Literatura |
| Ocupación | escritora, novelista |
| Período de actividade | 1949 - 2000 |
| Xénero artístico | Novela romántica |
| Pseudónimo literario | Jane Fraser |
| Obra | |
Obras destacables
| |
| Familia | |
| Fillos | Robin Pilcher |
| Premios | |
| |
| Descrito pola fonte | Obálky knih,  |
       | |
Rosamunde Pilcher, nada en Lelant (Cornualla) o 22 de setembro de 1924 e finada en Longforgan (Escocia) o 6 de febreiro de 2019[1], foi unha escritora británica de novela romántica, literatura popular feminina e relatos, desde 1949 até a súa xubilación en 2000. As súas obras venderon máis de 60 millóns de exemplares.[2] Nos comezos da súa carreira publicou co pseudónimo de Jane Fraser.
Traxectoria
[editar | editar a fonte]Filla de Helen (nada Harvey) e Charles Scott, un comandante do exército británico.[1]. Antes do seu nacemento o seu pai foi destinado a Burma, mentres que a nai quedou en Cornualla.[3] Foi á Escola de St. Clare en Penzance, á Howell's School Llandaff e á Escola de Secretaría de Miss Kerr-Sanders.[4] Comezou a escribir con sete anos, e publicou o seu primeiro relato con quince.[5]
Entre 1943 e 1946 serviu no Women's Royal Naval Service. O 7 de decembro de 1946 casou con Graham Hope Pilcher,[4] veterano de guerra e empresario do iute, finado en marzo de 2009.[6] Instaláronse en Dundee (Escocia), e tiveron dúas fillas e dous fillos.[7] O seu fillo, Robin Pilcher, tamén é escritor.[8]
En 1949 publicou a súa primeira obra, unha novela romántica editada por Mills and Boon, baixo o pseudónimo de Jane Fraser. En 1955 comezou a publicar co seu nome real coa obra Secret to Tell, e en 1965 abandonou de forma definitiva o pseudónimo literario.[4]
En 1987 comezou o seu éxito coa súa décimo cuarta novela, a saga familiar The Shell Seekers.[9] A protagonista é Penelope Keeling, unha muller maior que a través de analepses rememora a súa vida e a súa relación cos seus fillos xa adultos. A vida de Keeling non foi extraordinaria, pero "esténdese por un tempo de grandes cambios no mundo"[5] A novela describe as rutinas da vida durante a segunda guerra mundial en Gran Bretaña.[5] The Shell Seekers vendeu uns dez millóns de exemplares e foi traducida a máis de cuarenta linguas.[1] Amais foi adaptada a obra de teatro por Terence Brady e Charlotte Bingham.[7]
Coa novela Coming Home gañou en 1196 o Premio á Novela Romántica do ano da Romantic Novelists' Association.[10] A presidenta desta asociación en 2019, Katie Fforde, consideraba Pilcher como "innovadora por ser a primeira que levou as sagas familiares ao público xeral".[9] Felicity Bryan, no seu obituario en The Guardian, destacaba que Pilcher tomara o xénero romántico a un alto nivel, e destaca que a súa literatura é máis prosaica ca romántica.[1]
En 2002, dous anos despois da súa xubilación, foi nomeada oficial da Orde do Imperio Británico (OBE).[11]
Obras
[editar | editar a fonte]Novelas
[editar | editar a fonte]Como Jane Fraser
[editar | editar a fonte]- Half-Way To The Moon (1949)[12]
- The Brown Fields (1951)[12]
- Dangerous Intruder (1951)[12]
- Young Bar (1952)[12]
- A Day Like Spring (1953)[12]
- Dear Tom (1954)[12]
- Bridge of Corvie (1956)[12]
- A Family Affair (1958)[12]
- A Long Way from Home (1963)[12]
- The Keeper's House (1963)[12]
Como Rosamunde Pilcher
[editar | editar a fonte]- A Secret to Tell (1955)[12]
- On My Own (1965)[12]
- Sleeping Tiger (1967)[12]
- Another View (1969)[12]
- The End of Summer (1971)[12]
- Snow in April (1972)[12]
- The Empty House (1973)[12]
- The Day of the Storm (1975)[12]
- Under Gemini (1977)[12]
- Wild Mountain Thyme (1979)[12]
- The Carousel (1982)[13]
- Voices in Summer (1984)[14]
- The Shell Seekers (1987)[15]
- September (1990)[15]
- Coming Home (1995)[15]
- The Key (1996)[16]
- Winter Solstice (2000)[15]
Relatos
[editar | editar a fonte]- The Blue Bedroom and Other Stories (1985)[17]
- Flowers in the Rain: And Other Stories (1991)[18]
Notas
[editar | editar a fonte]- ↑ 1,0 1,1 1,2 1,3 Felicity, Bryan (7 de febreiro de 2019). "Rosamunde Pilcher obituary". The Guardian (en inglés). Consultado o 7 de febreiro de 2019.
- ↑ "Rosamunde Pilcher obituary". The Times (en inglés). 7 de febreiro de 2019. Consultado o 8 de febreiro de 2019.
- ↑ Colby, Vineta (1995). World authors, 1985-1990. H.W. Wilson. p. 970.
- ↑ 4,0 4,1 4,2 Bruns, Ann (11 de agosto de 2000). "Biography: Rosamunde Pilcher". Book Reporter (en inglés). Consultado o 1 de setembro de 2012.
- ↑ 5,0 5,1 5,2 Binchy, Maeve (7 de febreiro de 1988). "War and Change Come to Temple Pudley". New York Times (en inglés). Consultado o 1 de setembro de 2012.
- ↑ "Army Obituaries: Graham Pilcher". The Daily Telegraph. 3 de maio de 2009. Arquivado dende o orixinal o 2010-08-19. Consultado o 1 de setembro de 2012.
- ↑ 7,0 7,1 Butt, Riaza (25 de febreiro de 2004). "Pilcher's winning formula". Manchester Evening News (en inglés). Arquivado dende o orixinal o 02 de setembro de 2012. Consultado o 1 de setembro de 2012.
- ↑ "Talking with Robin Pilcher". AudioFile (en inglés). April–May 2004. Consultado o 2012-09-01.
- ↑ 9,0 9,1 Flood, Alison (7 de febreiro de 2019). "Rosamunde Pilcher, author of The Shell Seekers, dies aged 94". The Guardian (en inglés). Consultado o 7 de febreiro de 2019.
- ↑ "Romantic Novel of the Year". 12 de xullo de 2012. Arquivado dende o orixinal o 02 de xaneiro de 2012. Consultado o 04 de xullo de 2019.
- ↑ "Honours in the arts world". BBC News (en inglés). 31 de decembro de 2001. Consultado o 1 de setembro de 2012.
- ↑ 12,00 12,01 12,02 12,03 12,04 12,05 12,06 12,07 12,08 12,09 12,10 12,11 12,12 12,13 12,14 12,15 12,16 12,17 12,18 12,19 The Writers Directory 1980–82. Springer/Macmillan. 2016 [1979]. p. 981. ISBN 9781349036509.
- ↑ "The carousel". WorldCat. Consultado o 9 de febreiro de 2019.
- ↑ "Voices in summer". WorldCat. Consultado o 9 February 2019.
- ↑ 15,0 15,1 15,2 15,3 Musumeci, Robin (2010). "Pilcher, Rosamunde (1924– )". En Geoff Hamilton; Brian Jones. Encyclopedia of American Popular Fiction. Infobase Publishing. pp. 266–67. ISBN 9781438116945.
- ↑ "The key". WorldCat. Consultado o 9 February 2019.
- ↑ "The blue bedroom and other stories". WorldCat. Consultado o 9 de febreiro de 2019.
- ↑ "Flowers in the rain & other stories". WorldCat. Consultado o 9 de febreiro de 2019.
| Control de autoridades |
|
|---|
