Ronald Syme

Ronald Syme

Biografía
Nacemento	11 de marzo de 1903 Eltham
Morte	4 de setembro de 1989 (86 anos) Oxford
Educación	Universidade de Auckland Oriel College Universidade Vitoria de Wellington
Actividade
Campo de traballo	Estudos clásicos
Ocupación	historiador, tradutor, erudito clásico, profesor universitario, filólogo clásico
Empregador	Universidade de Oxford Universidade de Istanbul
Membro de	Accademia delle Scienze di Torino (1972–) Academia de Inscricións e Linguas Antigas (foreign member of Académie des Inscriptions et Belles-Lettres (en) ) (1967–1989) Sociedade Filosófica Estadounidense (1959–) Academia das Artes e das Ciencias dos Estados Unidos Academia Británica Academia de Ciencias de Baviera
Alumnos	Fergus Millar
Premios
(1975)  Medalla Kenyon (1967)  doutor honoris causa pola Universidade de Lión (1962)  doutor honoris causa pola Universidade de París (1949)  doutor honoris causa pola Universidade de Nova Zelandia  Knight Bachelor  Membro da Academia Británica  Orde do Mérito das Ciencias e as Artes  doutor honoris causa pola Universidade de Graz  Orde do Mérito do Reino Unido  Orde bavaresa de Maximiliano para a Ciencia e as Artes

Ronald Syme, nado en Eltham, Nova Zelandia, o 11 de marzo de 1903 e finado o 4 de setembro de 1989, foi un historiador da Roma antiga, un dos máis eminentes do século XX.

Traxectoria

Syme estudou francés e literatura nas Universidades de Auckland e Wellington. En 1925 partiu para Inglaterra, estudou no Oriel College de Oxford entre 1925 e 1927. En 1929 convértese en titor do Trinity College, ata 1949. Publicou The Roman Revolution, centrado no ascenso de Octaviano e a instauración como Augusto, en 1939, que o converteu nunha autoridade mundial recoñecida. Durante a segunda guerra mundial, Syme foi catedrático de filoloxía clásica en Istanbul, entre 1942 e 1945. En 1949 foi nomeado profesor de Historia Antiga no Brasenose College, de Oxford, cargo que ocupou ata 1970. Desde 1976 ata 1989 foi catedrático de Historia Antiga na Royal Academy of Arts.

Obras

Unha das súas primeiras obras foi The Spanish War of Augustus (26-25 B. C.) publicada en 1934 en The American Journal of Philology sobre a campaña de Augusto no noroeste da Península Ibérica. A obra pola que se lle recorda, The Roman Revolution (1939), foi unha análise, maxistral e controvertida ao tempo, da vida política romana no período que seguiu ao asasinato de Xulio César. Inspirado no ascenso dos réximes fascista e nazi en Italia e Alemaña e seguindo o estilo e o pesimismo de Tácito, Syme devolvía a historia ás fontes antigas, mostrándonos un Augusto feroz, astuto, demagogo e hábil que restaurou a orde pública restaurando a República como pretexto para compoñer unha monarquía baseada nas relacións persoais e na ambición das familias políticas romanas, todo isto por medio dunha historia narrativa baseada nun fondo coñecemento das fontes antigas.

En 1958 saíu do prelo a súa biografía sobre Tácito, Tacitus, en dous volumes, constituíu un fito historiográfico, aínda o máis completo estudo desta figura, cun exhaustivo tratamento do contexto histórico e político. En 1964, seguiulle a biografía de Salustio, Sallust. Dedicou catro libros á Historia Augusta, unha colección de biografías dos emperadores desde Hadriano ata Carino.