Romaría do Rapaz

Na Galipedia, a Wikipedia en galego.
Saltar ata a navegación Saltar á procura
Anfiteatro no que se celebran actos durante a Romaría do Rapaz

A Romaría do Rapaz é unha festa lúdica para nenos que ten lugar no mes de xuño no entorno do Santuario da Saleta, en Siador, no concello pontevedrés de Silleda.

Considerada única a nivel galego e español, a súa primeira edición celebrouse no ano 1989. Nela lévanse a cabo obradoiros de manualidades, actividades multiaventura e xogos tradicionais, ademais de actuacións de magos, paiasos ou agrupacións musicais. Nese día, o entorno do Santuario da Virxe da Saleta, onde tamén se celebra a romaría da Saleta, énchese de familias que aproveitan o equipamento existente ao pé dos carballos para xantar, merendar ou cear. O acto máis importante do día é o desfile de modelos con traxes elaborados con material de refugallo polos propios nenos e pais.

Esta apoiada polo Concello de Silleda, a Comunidade de Pais Saletinos e distintas institucións e colectivos.