Rodrigo Duterte

Na Galipedia, a Wikipedia en galego.
Saltar ata a navegación Saltar á busca
Rodrigo Duterte
Rodrigo Duterte 2013.jpg
Nome completo Rodrigo Roa Duterte
Nacemento 28 de marzo de 1945
  Maasin
Nacionalidade Filipinas
Etnia Visayans
Relixión ateísmo
Educado en San Beda University e Lyceum of the Philippines University
Ocupación político
Pai Vicente Duterte
Nai Soledad Roa-Duterte
Cónxuxe Elizabeth Abellana Zimmerman
Fillos Sara Duterte-Carpio e Paolo Duterte
editar datos en Wikidata ]

Rodrigo Roa Duterte,[1] nado en Maasin, Leyte, Filipinas o 28 de marzo de 1945, é un político e avogado filipino de orixe mindanaense, actual presidente de Filipinas dende o 30 de xuño de 2016 ó resultar vencedor nas eleccións presidenciais de 2016.[2][3][4][5]

Traxectoria[editar | editar a fonte]

Rodrigo Duterte naceu o 28 de marzo de 1945, durante a ocupación estadounidense de Filipinas, en Maasin, hoxe capital de Leyte do Sur, entón parte da provincia insular de Leyte na Mancomunidade Filipina. Froito do matrimonio formado por Vicente G. Duterte (1911-1968), avogado cebuano e Soledad Roa (1916-2012) mestra de orixe Maranao en Cabadbaran, cidade filipina, situada na parte nordeste da illa de Mindanao.

O seu avó materno era orixinario de Xiamen na provincia chinesa de Fujian.[6]

O seu pai foi alcalde de Danao (Cebú). En 1949 trasládase á provincia de Davao da que foi gobernador (1959-1965).[7] O cebuano é o idioma principal da cidade de Davao na illa filipina de Mindanao.

A familia Duterte está emparentada coas familias políticas cebuanas dos Durano e as Alamendras. O seu tío Ramón Duterte foi alcalde da cidade de Cebú (1957-1959), cargo que ocupou tamén o seu primo Ronaldo (1983-1986).[8] A súa nai forma parte do clan Roa orixinarios da illa de Leyte.

A familia Duterte viviu brevemente en Maasin (Leyte), trasladándose á cidade natal do seu pai, Danao (Cebú), onde Rodrigo viviu até o catro anos de idade, cando se trasladan a Mindanao en 1948, pero non foi até até 1949 que ía e viña das Visayas.[9] Finalmente en 1950 a familia Duterte asentouse na Rexión de Davao. Mentres que o seu pai Vicente exerce como avogado, a súa nai, Soledad imparte docencia como mestra na escola pública. En 1952 o seu pai inicia a súa carreira política.

Notas[editar | editar a fonte]