Robert J. Grant

Na Galipedia, a Wikipedia en galego.
Robert J. Grant
Robert J. Grant, Supt. of the Denver Mint, has been appt. by Pres. to be Dir. of the mint succeeding F.E. Scobey LCCN2016892799 (cropped).tif
Nacemento12 de novembro de 1862
Lugar de nacementoSpringville.
Flag of Nova Scotia.svg Nova Escocia
Falecemento24 de novembro de 1949
Lugar de falecementoSeal of Pasadena, California.png Pasadena
Flag of California.svg California
NacionalidadeFlag of the United States.svg Estadounidense
OcupaciónAlto funcionario.
editar datos en Wikidata ]

Robert John Grant, nado en Springville, Nova Escocia, o 12 de novembro de 1862 e finado en Pasadena, California, o 24 de novembro de 1949, foi director da Casa da Moeda dos Estados Unidos entre 1823 e 1833.

Traxectoria[editar | editar a fonte]

Primeiros anos[editar | editar a fonte]

Robert J. Grant naceu o 12 de novembro de 1862 en Springville, condado de Pictou, Nova Escocia,[1][2] fillo de Christy Grant e de Peter James Grant. Alí asistiu a diversas escolas públicas.[3]

Trasladouse aos Estados Unidos nos inicios da década de 1880 e pouco despois acadou a naturalización como estadounidense.[4] Nos primeiros momentos traballou nunha empresa de artes gráficas en Boston, ao tempo que cursaba a súa educación secundaria.[2][3]

Carreira na minaría do ouro[editar | editar a fonte]

Na súa Nova Escocia natal xa comezara a traballar nas minas de Stellarton[2], e a etapa máis longa da súa carreira profesional nos Estados Unidos desenvolveuse como enxeñeiro de minas. En 1892 alugou en Arizona a planta mineira de ouro Gold Bug Mine e dous anos despois traballou nunha mina en Aspen, Colorado.[1][3]

Entre 1886 e 1889 foi adxunto á xerencia doutros establecementos mineiros, como a Portland Gold Mining Company, en Colorado, ou a W. S. Stratton Independent Mine. En 1904 fíxose cargo da xerencia da Cosmopolitan Mine,[1] unha compañía británica na que tivo como socio o que máis tarde sería presidente do país, Herbert Hoover.[3]

Fóra dos Estados Unidos, Grant formou parte de prospeccións mineiras en México[3] e en Suráfrica.[4]

A súa derradeira actividade no sector da minaría foi como enxeñeiro na Colorado Pure Lead Corporation, entre 1917 e 1921, en Colorado.[1][3]

Dirección da Casa da Moeda dos EEUU[editar | editar a fonte]

Robert J. Grant no seu despacho en 1923.

En 1921, o presidente Warren G. Harding nomeou a Grant superintendente da Casa da Moeda de Denver, e o seguinte presidente, Calvin Coolidge, ascendeuno en novembro de 1923 a director da Casa de Moeda dos Estados Unidos, cargo que desenvolveu ata maio de 1933.[2][3][5] Foi durante o seu mandato cando o Goberno tomou o control da exportación de ouro no país.[1]

Logo do seu labor á fronte da ceca pública estadounidense, Grant marchou á China, onde exerceu como asesor do Goberno daquel país en asuntos monetarios e da Casa da Moeda da China, e regresou aos Estados Unidos en 1941, por mor do seu delicado estado de saúde.[2][3][4][6]

En 1933 foi honrado cunha medalla emitida pola Casa da Moeda dos Estados Unidos, deseñada por John R. Sinnok.[1]

Vida persoal[editar | editar a fonte]

Grant casou o 14 de xuño de 1894 con Leslie Hauyden.[1]

O 24 de novembro de 1949, Robert J. Grant finou en Pasadena, California,[1][2][3][7] no hospital Las Encinas Sanitarium, como consecuencia da doenza que o aqueixaba desde 1942.[4]

Notas[editar | editar a fonte]

Véxase tamén[editar | editar a fonte]

Bibliografía[editar | editar a fonte]

Outros artigos[editar | editar a fonte]

Predecesor:
Frank Edgard Scobey
New US Mint Logo Black.svg
Director da Casa da Moeda dos Estados Unidos

1923 - 1933
Sucesor:
Nellie Tayloe Ross