Rita Lee
| Rita Lee | |
|---|---|
 | |
| Nome completo | Rita Lee Jones |
| Alcume | Rita Lee |
| Nacemento | 31 de decembro de 1947 |
| Lugar de nacemento | São Paulo |
| Falecemento | 8 de maio de 2023 |
| Lugar de falecemento | São Paulo |
| Causa | cancro de pulmón |
| Nacionalidade | Brasil |
| Alma máter | Universidade de São Paulo |
| Ocupación | cantante, música, compositora, guitarrista, pianista, escritora de literatura infantil, escritora e actriz |
| Cónxuxe | Roberto de Carvalho e Arnaldo Baptista |
| Fillos | Beto Lee |
| Premios | Orde do Mérito Cultural, Prêmio Grammy Latino à Excelência Musical e Prêmio da Música Brasileira |
| Na rede | |
| http://www.ritalee.com.br | |
                | |
 | |
| [ editar datos en Wikidata ] | |
Rita Lee Jones de Carvalho OMC, nada en São Paulo no 31 de decembro de 1947[1] e finada ibídem o 8 de maio de 2023, foi unha cantante, compositora, multi-instrumentista, actriz, escritora e activista brasileira, coñecida como a "raíña do rock brasileiro".[2] [3] Rita vendeu máis de 55 millóns de discos, sendo a cuarta artista máis exitosa neste sentido no Brasil, só por detrás de Tonico & Tinoco, Roberto Carlos e Nelson Gonçalves.[4]
Carreira[editar | editar a fonte]
Construíu unha carreira que comezou co rock pero que co paso dos anos coqueteou con diferentes xéneros, como a psicodelia durante a época do tropicalismo, o pop rock, a música disco, a New Wave, o MPB, a bossa nova e a música electrónica, creando un hibridismo pioneiro entre xéneros nacionais e internacionais.[5]
Rita foi considerada unha das mulleres máis influentes do Brasil, sendo unha referencia para aquelas que chegaron a utilizar a guitarra a partir de mediados dos anos 70. [6] Antigo membro do grupo Os Mutantes (1966–1972) e Tutti Frutti (1973–1978), participou en importantes revolucións no mundo da música e da sociedade. As súas cancións, xeralmente regadas con ironía ácida ou reivindicación da independencia feminina,[7] fixéronse omnipresentes nas listas, sendo as máis populares "Ovelha Negra", "Mania de Você", "Lança Perfume", "Agora Só Falta Você", "Baila Comigo", "Banho de Espuma", "Desculpe o Auê", "Erva Venenosa", "Amor e Sexo", "Reza", "Menino Bonito", "Flagra" e "Doce Vampiro", de entre outras. O álbum Fruto Proibido (1975), editado coa banda Tutti Frutti, é considerado habitualmente como un fito fundamental na historia do rock brasileiro, considerado por algúns como a súa obra mestra.[8]
En 1976 comezou unha relación sentimental co guitarrista Roberto de Carvalho, que desde entón é o seu compañeiro na maioría das súas cancións. Tiveron tres fillos, entre eles Beto Lee, tamén guitarrista, que acompañaba aos seus pais nos programas. Rita era vegana e defensora dos dereitos dos animais.[9] Cunha carreira de 60 anos, a artista pasou da innovación musical da década de 1960 e 1970 ás baladas románticas moi exitosas da década de 1980 e unha revolución musical,[10] despois de ter actuado con innumerables artistas que van desde Elis Regina e João Gilberto á banda Titãs. En outubro de 2008, a revista Rolling Stone promoveu a lista dos cen máis grandes artistas da música brasileira, onde Rita ocupa o posto 15.[11]
Notas[editar | editar a fonte]
- ↑ Dip, Andrea (16 de abril de 2011). "Rita Lee encerra show na Virada Cultural com discurso sério e grandes sucessos". Consultado o 22 de xullo de 2012.
- ↑ Alves, Luciano. O melhor do rock Brasil: melodias cifradas para guitarra, violão e teclados, p. 5. São Paulo: Irmãos Vitale, 2001. (en portugués) ISBN 8574071331
- ↑ Oliveira, Marcio Castro. Um amor de verão (en portugués). ISBN 9788578936006.
- ↑ Barcinski 2014, p. 137.
- ↑ Süssekind, Flora; Dias; Azevedo (2003). Vozes femininas: gêneros, mediações e práticas da escrita (en portugués). 2003. pp. 421–422. ISBN 9788575770269.
- ↑ Preto, Marcus. "Não nasci para casar e lavar cuecas", revela Rita Lee. Rolling Stone Brasil. Consultado em 15 de julho de 2019.
- ↑ "Redirect". sites.uepg.br. Consultado o 2023-05-09.
- ↑ Roberto Nascimento, "Esse tal de Rock... ACERTOU". Estadão (18 de dezembro de 2010). Acesso: 28 de julho, 2011.
- ↑ direitos. Consultado em 29 de janeiro, 2012.
- ↑ Almir Chediak, Rita Lee Songbook, p.10. Irmãos Vitale, 1990.
- ↑ "Copia arquivada". Arquivado dende o orixinal o 04 de abril de 2019. Consultado o 09 de maio de 2023.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Rita Lee  |
