Ricardo Palmás
| Biografía | |
|---|---|
| Nacemento | 1940  Buenos Aires, Arxentina |
| Morte | 10 de novembro de 1996 (55/56 anos) Londres, Reino Unido |
| Datos persoais | |
| País de nacionalidade | España Arxentina |
| Actividade | |
| Ocupación | sociólogo , xornalista , escritor |
| Lingua | Lingua castelá |
Ricardo Palmás Casal, nado en Buenos Aires en 1940 e finado en Londres o 10 de novembro de 1996, foi un sociólogo, xornalista, escritor e galeguista da Arxentina.
Traxectoria[editar | editar a fonte]
Fillo de emigrantes galegos no Río da Plata. Estudou Lingua e Literatura portuguesas en Buenos Aires e Socioloxía no Salvador. Desde os quince anos integrouse no movemento galeguista de Buenos Aires e participou no desenvolvemento de AGUEA (Asociación Gallega de Universitarios, Escritores y Artistas) e despois co Asociación Arxentina de Fillos de Galegos onde continuou cos cursos de galego que iniciara Eduardo Blanco Amor entre 1962 e 1966. Despois dun tempo en Galicia, estableceuse en Londres a finais dos anos setenta onde traballou na axencia EFE, pasando despois a París, Brasilia e Lisboa. Colaborou en O Irmandiño. Fixo os prólogos de Cartas a Rosalía e Fernando Iglesias "Tacholas", un actor auriense na Galicia ideal.
Obras[editar | editar a fonte]
- Pelerinaxe (Montevideo, 1965).
- Aportaciós pra unha bibliografía de Castelao (con Xesús Alonso Montero e Epifanio Ramos de Castro) (Ediciós do Castro, 1970).
- Castelao, prosa do exilio (Patronato da Cultura Galega de Montevideo, 1976)
- A emigración galega na Arxentina (Ediciós do Castro, 1978)
Traducións[editar | editar a fonte]
- Vinte poemas galeses (Ediciós do Castro, 1988).
Obras colectivas[editar | editar a fonte]
- Los gallegos (Madrid, 1976).
- Eduardo Blanco Amor, desde Buenos Aires (Ediciós do Castro, 1995).
- Tentativas sobre Dieste (Sotelo Blanco, 1995).
- Luis Seoane (1910-1979). Día das Letras Galegas 1994 (Xunta de Galicia, 1994).
