Residencia de Würzburg

Residencia de Würzburg
	Vista da fachada que dá ao xardín.
Patrimonio da Humanidade - UNESCO
País	Alemaña
Localización	49°47′34″N 9°56′19″O / 49.79278, -9.93861
Tipo	Cultural
Criterios	(i), (iv)
Inscrición	1981 (sesión V)
Rexión da UNESCO	Europa
Identificador	169
	v; c; e;

Coordenadas: 49°47′34″N 9°56′19″L / 49.79278, -9.93861

A Residencia de Würzburg (en alemán: Würzburger Residenz) é un pazo barroco que se atopa na cidade alemá de Würzburg, no estado de Baviera.

Historia[editar | editar a fonte]

Foi orixinalmente deseñada polo arquitecto Johann Balthasar Neumann para o príncipe-bispo Johann Philipp Franz von Schönborn. A súa construción durou sesenta anos. Entre 1720 e 1744 completouse a estrutura exterior, mentres que o interior foi rematado en 1780.^[1]

Segunda Guerra Mundial[editar | editar a fonte]

O 16 de marzo de 1945, só unhas semanas antes do final da Segunda Guerra Mundial, un ataque aéreo destruiu o 90% da casco antigo de Würzburg e queimou a Residencia case totalmente. O lume avanzou dende a cuberta superior e foi queimando os teitos de madeira e as paredes. Tamén tería queimado os mobles e os paneis das paredes de non ser porque foron almacenados noutro lugar antes.

Reconstrución[editar | editar a fonte]

As tarefas de restauración da Residencia comezaron tralo final de guerra^[2] e non cesaron até o ano 1987, cando se completou e se abriu de novo o "Gabinete do espello". A súa reconstrución custou arredor de 20 millóns de euros.^[3]

Patrimonio da Humanidade[editar | editar a fonte]

No ano 1981, a Residencia Würzburg e os seus patios e xardíns foron declarados como "Patrimonio da Humanidade" pola UNESCO e gozan dunha protección especial.