Na Galipedia, a Wikipedia en galego.
A reserva da biosfera Terras do Miño foi declarada reserva da biosfera en 2002 pola UNESCO. É a segunda máis grande da Península Ibérica e a máis grande de Galicia, ocupando o 39 % da provincia de Lugo,[1] cunha superficie de 363.668,9 ha.[2] Abarca 26 municipios da conca alta do río Miño, pertencentes, á súa vez, a sete comarcas: Ourol (A Mariña Occidental), Alfoz do Castrodouro, O Valadouro e Mondoñedo (Mariña Central), Abadín, A Pastoriza, Begonte, Castro de Rei, Cospeito, Guitiriz, Muras, Vilalba e Xermade (Terra Chá), Meira, Pol e Riotorto (Meira), Castroverde, Friol, Guntín, Lugo, O Corgo, Outeiro de Rei e Rábade (Lugo), Baralla (Os Ancares), Láncara e O Páramo (Sarria).
