República Socialista Soviética de Kazakhstán

República Socialista Soviética de Kazakhstán

Қазақ Советтік Социалистік Республикасы (kk)
Bandeira Brasón
Himno	Himno da República Socialista Soviética de Kazakhstán
Lema	«Proletarios de todos os países»
Localización
48°N 68°L
Estado histórico	Unión Soviética
Capital	Almati
Poboación
Poboación	16.711.000 (6,15 hab./km²)
Lingua oficial	lingua kazaka lingua rusa
Xeografía
Superficie	2.717.300 km²
Datos históricos
Precedido por	República Socialista Soviética Autónoma de Kazakhstán
Creación	5 de decembro de 1936
Disolución	9 de outubro de 1991
Sucedido por	Kazakhstán
Organización política
Forma de goberno	república soviética
Órgano lexislativo	Soviet Supremo da República Socialista Soviética de Kazakhstán ,
Moeda	Rublo soviético

A República Socialista Soviética de Kazakhstán (en kazako: Қазақ Советтік Социалистік Республикасы), foi a segunda república en extensión das que formaron a Unión Soviética, na Asia central, e é hoxe en día o estado independente de Kazakhstán. Tiña unha superficie de 2.717.300 quilómetros cadrados (1,063,200 millas cadradas) e a súa capital era Alma-Ata.

Contexto

Establecida o 26 de agosto de 1920, inicialmente foi unha república autónoma dentro da RSSF de Rusia. O 5 de decembro de 1936 volveuse unha república independente da URSS, chamada RSS de Kazakhstán. Durante os 50 e os 60 os cidadáns soviéticos foron urxidos a axudar a poboar as "Terras virxes" da RSS de Kazakhstán. O influxo dos inmigrantes (maioritariamente rusos, pero incluíndo algunhas minorías nacionais deportadas) favoreceron a mestura racial e permitiron que o número de kazakos fose inferior ó de non kazakos. Os outros grupos étnicos incluían ucraínos, alemáns, belarusos, coreanos, e outros; os alemáns no momento da independencia formaban sobre o 8% da poboación, a máis alta concentración de alemáns en toda a Unión Soviética. A independencia fixo que moitos destes novos habitantes emigrasen.

O 10 de decembro de 1991 a RSS de Kazakhstán foi renomeada "República de Kazakhstán" e seis días despois acadou a súa independencia.

Poboación

A poboación nativa eran os kazakos (4.234.000 en 1970). En 1970, a república tiña un número apreciable de rusos (5.522.000) e ucraínos (933.000). Nas terras desérticas do norte de Kazakhstán, había tártaros (288.000), uzbekos (216.000), e belarusos (198.000).

Véxase tamén

Outros artigos

• Historia de Kazakhstán