Renfe Proximidades
Renfe Proximidades (en castelán: Renfe Cercanías, en catalán: Renfe Rodalies ou Rodalia, en éuscaro: Renfe Aldiriak) é unha división da compañía ferroviaria española Renfe Operadora, dedicada á xestión e explotación de redes de proximidades, que unen os diferentes núcleos dun área metropolitana mediante liñas de alta capacidade e frecuencia.
Índice
Redes[editar | editar a fonte]
Renfe Operadora xestiona e opera en exclusiva os núcleos de proximidades de Asturias, Cádiz, Madrid, Málaga, Santander, Sevilla e Zaragoza, e xunto a outras compañías ferroviarias xestiona e opera os núcleos de proximidade de Bilbao, Donostia, Murcia/Alacant e Valencia. Nos núcleos compartidos Renfe ten a súa propia rede exclusiva, á que se superpoñen as liñas doutros operadores, sen compartir vías ou liñas. Nalgúns deles existen billetes integrados que permiten o transbordo entre as diferentes redes.
Renfe Operadora tamén xestionaba e operaba o núcleo de proximidades Barcelona. O 1 de xaneiro de 2010 a xestión foi transferida á Generalitat de Cataluña, pero mantense a explotación das liñas. Igualmente, Renfe tamén explota os novos servizos de proximidade en Lleida, Tarragona e Xirona.
| Núcleo | Liñas |
|---|---|
 Asturias |
9 |
 Barcelona |
19 |
| Bilbao |
3 |
| Cádiz |
2 |
| Camp de Tarragona |
2 |
| Donostia |
1 |
| Lleida |
3 |
| Madrid |
9 |
| Málaga |
2 |
| Murcia–Alacant |
3 |
| Santander |
3 |
| Sevilla |
5 |
| Valencia |
6 |
| Xirona |
1 |
| Zaragoza |
1 |
Normalmente o seu ámbito restrínxese á provincia, aínda que en ocasións exceden os límites da provincia. Cabe citar 5 casos onde non se cumpre esta premisa:
- Madrid: Azuqueca e Guadalaxara están na provincia de Guadalaxara.
- Barcelona (Rodalies de Catalunya): as estacións de Blanes, Tordera, Riells i Viabrea-Breda, Hostalric e Maçanet-Massanes están na provincia de Xirona e Cunit, Segur de Calafell, Calafell, L'Arboç, El Vendrell e Sant Vicenç de Calders están na provincia de Tarragona.
- Valencia: parte da liña 6 discorre pola provincia de Castelló.
- Murcia/Alacant: discorre por tres provincias, Alacant, Murcia e Almería.
- Bilbao: as estacións de Areta, Llodio, Santa Cruz de Llodio, Luiaondo, Salbio, Amurrio e Iñarratxu, todas elas na liña 3, encóntranse en Áraba.
Nalgunhas cidades existen liñas integramente urbanas, como as liñas C-2 e C-4 de proximidades Sevilla ou a C-1 de proximidades Madrid.
Material móbil[editar | editar a fonte]
Nos servizos de Proximidades Renfe empréganse as seguintes series:
| Serie | Núcleo(s) onde circula | Imaxe |
|---|---|---|
| 440R | Asturias Santander |
|
| 442 | Madrid |  |
| 446 | Bilbao Madrid Málaga Donostia Santander |
 |
| 447 | Barcelona Madrid Murcia/Alacant Valencia |
 |
| 450 | Barcelona Madrid |
 |
| 451 | Barcelona | |
| 592 | Murcia/Alacant Sevilla Valencia |
 |
| Civia | Asturias Barcelona Cádiz Madrid Málaga Santander Sevilla Valencia Zaragoza |
 |
En construción[editar | editar a fonte]
Tras a aprobación do Plan de Transporte de Viaxeiros 2008-2012 por parte da Generalitat de Catalunya, crearanse as redes seguintes[1]:
- Proximidades Lleida: 3 liñas aproveitando a infraestrutura existente.
- Proximidades Tarragona: 4 liñas aproveitando a infraestrutura existente, unha xa existe a nivel tarifario, Tarragona-La Plana.
- Proximidades Xirona: 2 liñas aproveitando a infraestrutura existente.
Proxectos[editar | editar a fonte]
- Proximidades Valladolid: 2 liñas aproveitando a infraestrutura existente, rehabilitando parte da liña de ferrocarril Valladolid-Ariza.
- A Coruña-Ferrol: está en proxecto un servizo de proximidades directo, sen paradas intermedias.
