Renfe Proximidades

Renfe Proximidades
	Subclase de tren urbano; organización
	Composto por Proximidades Madrid; Proximidades Murcia/Alacant; Proximidades Cádiz; Proximidades Zaragoza; Proximidades Renfe San Sebastián; Proximidades Sevilla; Cercanías León (en) ; Proximidades Málaga; Proximidades Asturias; Rodalies de Catalunya; Proximidades Cantabria; Proximidades Valencia; Cercanías Bilbao (en) ; Proximidades Galiza
Localización
	País España
	Wikidata C:Commons

Renfe Proximidades (en castelán: Renfe Cercanías, en valenciano: Renfe Rodalia, en éuscaro: Renfe Aldiriak) é unha división da compañía ferroviaria española Renfe Operadora, dedicada á xestión e explotación de redes de proximidades, que unen os diferentes núcleos dunha área metropolitana mediante liñas de alta capacidade e frecuencia.

Naqueles núcleos que contan con lingua cooficial, Renfe usa adaptacións da marca xeral ás devanditas linguas xunto á marca nacional. Así, o servizo recibe tamén o nome de Renfe Rodalia na Comunidade Valenciana^[1] e Renfe Aldiriak no País Vasco^[2]^[3]; así mesmo, ata 2010 tamén usou a marca Renfe Rodalies en Cataluña.^[4]

Redes

Actualmente, Renfe Proximidades xestiona e opera en exclusiva os núcleos de proximidade de Asturias, Cádiz, Cantabria, Galiza Madrid, Málaga, Sevilla e Zaragoza.^[5] Está presente, xunto a outras compañías públicas autonómicas, nos núcleos de proximidade de Bilbao, Murcia/Alacant, Donostia, Barcelona, e Valencia. Naquelas rexións onde non opera en exclusiva, Renfe Proximidades ten a súa propia rede, do mesmo xeito que os outros operadores, sen compartir vías ou liñas. Nalgúns dos núcleos existen entes públicos que exercen de autoridades de transporte; é habitual que estes ofrezan billetes integrados que permiten o transbordo entre diferentes transportes, entre os que se adoitan incluír aqueles ofrecidos por Renfe.

Renfe tamén xestionaba e operaba o núcleo denominado Proximidades Barcelona, formado por unha vasta rede ferroviaria suburbana que serve á capital catalá e á súa provincia, estendéndose tamén a algunhas poboacións de Tarragona e Xirona. O 1 de xaneiro de 2010, a competencia de xestión foi transferida á Generalitat de Catalunya, pero mantense a explotación das liñas^[6] por parte da compañía, agora baixo o mando do réxime autonómico. O núcleo integrouse no novo servizo unificado Rodalies de Catalunya, que aglutina todas as liñas de proximidade do territorio catalán, incluíndo aquelas operadas pola compañía autonómica Ferrocarrils de la Generalitat de Catalunya (FGC). Expúxose a posibilidade de estender a rede explotada por Renfe Proximidades, como no caso de Lleida.^[7]

Material móbil

Nos servizos de Proximidades Renfe empréganse as seguintes series:

Serie	Núcleo(s) onde circula	Imaxe
433	Asturias
435	Asturias
436	Bilbao, Asturias
438	Cantabria
442	Madrid
446	Bilbao, Cantabria, Córdoba, Donostia, Madrid e Sevilla
447	Barcelona, Cantabria, Donostia, Murcia/Alacant, Tarragona, Valencia e Xirona
450/451	Barcelona e Madrid
526	Asturias, León
529	Galiza e Murcia/Alacant
592	Murcia/Alacant e Valencia
Civia	Asturias, Barcelona, Cádiz, Cantabria, Madrid, Málaga, Sevilla, Valencia, Xirona e Zaragoza