Red Eléctrica de España (REE) é unha empresa española con sede en Madrid dedicada á xestión da infraestrutura eléctrica de alta tensión de España.
REE foi fundada en 1985 en aplicación da lei 49/1984, de 26 de decembro. Foi a primeira empresa do mundo dedicada en exclusividade ao transporte e xestión do sistema eléctrico.
A lei 54/1997 do sector eléctrico de España confirmou a exclusividade de Red Eléctrica no sistema enerxético coa lei 17/2007, que modificou esta lexislación para adaptala á Directiva Europea 2003/54/CE, e mantivo a Red Eléctrica como o transportista único e operador do sistema eléctrico en España.
Durante 2010, en cumprimento desta lei, completouse a adquisición dos activos de transporte das empresas eléctricas, incluídos os sistemas de Baleares e Canarias.
