Recurvirróstridos

Na Galipedia, a Wikipedia en galego.
Saltar ata a navegación Saltar á procura
Recurvirróstridos
Himantopus mexicanus knudseni de Hawai
Himantopus mexicanus knudseni de Hawai
Clasificación científica
Reino: Animalia
Filo: Chordata
Clase: Aves
Orde: Charadriiformes
Suborde: Charadrii
Familia: Recurvirostridae
Bonaparte, 1854
Xéneros

Os recurvirróstridos (Recurvirostridae) constitúen unha familia de aves limícolas da suborde Charadrii. Comprenden dous grupos distintos de aves, as avocetas (un xénero) e as pernalongas ou patudas (dous xéneros). En Galicia viven as especies Recurvirostra avosetta e Himantopus himantopus.

Descrición[editar | editar a fonte]

Os recurvirróstridos miden de 30 a 46 cm de lonxitude e pesan de 140 a 435 g; os machos son xeralmente algo menores que as femias.[1] Todos posúen peteiros, pescozos e patas longos e delgados. O peteiro das avocetas está curvado cara arriba, e o animal móveo a esquerda e dereita cando busca alimento nas augas salobres ou salinas pouco profundas. O peteiro das pernalongas é, ao contrario, recto. As dedas anteriores están palmadas na maioría das pernalongas, e totalmente palmadas nas avocetas e na pernalonga da especie Cladorhynchus leucocephalus, que é máis nadadora.[1] A maioría das especies ten unha plumaxe con áreas facendo contraste en branco e negro, e algunhas especies teñen manchas de cor beixe ou marrón na cabeza ou peito.[2] Os dosu sexos son similares.[1]

As súas vocalizacións son xeralmente ouveos dunha ou dúas sílabas.[1]

Distribución e hábitat[editar | editar a fonte]

As aves desta familia son cosmopolitas, con distribución por todos os continentes agás a Antártida, e están presentes en moitas illas oceánicas. Varias especies teñen unha área de distribución ampla e unhas poucas están máis localizadas.

Unha especie, Himantopus novaezelandiae de Nova Zelandia stá en perigo crítico debido á perda de hábitat, predadores introducidos e hibridación coa Himantopus leucocephalus.

Alimentación[editar | editar a fonte]

Estas especies aliméntanse de pequenos animais acuáticos como moluscos, camaróns e outros crustáceos, larvas de insectos, anélidos, cágados e pequenos peixes.

Reprodución[editar | editar a fonte]

Os recurvirróstridos reprodúcense en campo aberto preto da auga, a miúdo en colonias pouco densas. Defenden os seus territorios de nidificación vigorosamente con exhibicións agresivas, e espantan os intrusos e posibles predadores facendo moito ruído.[1] Son monógamos, aínda que os lazos de parella non se manteñen dunha estación reprodutora a outra. Os seus ovos son de cores claras con marcas escuras, e pesan de 22 a 44 g.[1] Poñen tres ou catro en niños moi simples, e ambos os proxenitores comparten as tarefas de incubación, que se prolongan por 22 a 28 días.[1] O Cladorhynchus leucocephalus pode reproducirse só unha vez cada poucos anos, xa que se reproduce en lagos temporais orixinados polas chuvias nos desertos de Australia, que non se forman todos os anos. Os polos teñen penuxe e son precoces, polo que abandonan o niño un día despois de eclosionar;[1] empluman en de 28 a 35 días.[1] En todas as especies menos o Cladorhynchus leucocephalus, os polos que deixan o niño son coidados polos pais durante varios meses e poden desprazarse a novas áreas e defender o territorio alí.[1] Os Cladorhynchus leucocephalus desvíanse deste comportamento ao xuntar os seus polos en masivas "garderías" ou crèches, que poden contar con varios centos de crías.

Taxonomía[editar | editar a fonte]

A taxonomía dos recurvirróstridos é moi debatida, e o xénero Himantopus considerouse que tiña dous ou seis especies.

Especies da familia Recurvirostridae
Nomes científicos Imaxe
Cladorhynchus leucocephalus Banded stilts 2 Governors Lake Rotto email.jpg
Himantopus himantopus Black-winged stilt (Himantopus himantopus).jpg
Himantopus knudseni
(ou Himantopus himantopus knudseni
ou Himantopus mexicanus knudseni)
Black-necked Stilt.jpg
Himantopus (himantopus) leucocephalus 1 (83) Pied Stilt (Himantopus leucocephalus).JPG
Himantopus (himantopus/mexicanus) melanurus Himantopus melanurus 4.jpg
Himantopus mexicanus Black-necked Stilt (Himantopus mexicanus), Corte Madera.jpg
Himantopus novaezelandiae Himantopus-novaezelandiae.jpg
Recurvirostra americana Recurvirostra americana -Palo Alto Baylands-8.jpg
Recurvirostra andina Recurvirostra andina.jpg
Recurvirostra avosetta Pied Avocet Recurvirostra avosetta.jpg
Recurvirostra novaehollandiae Recurvirostra novaehollandiae in flight - Lake Joondalup.jpg

Notas[editar | editar a fonte]

  1. 1,0 1,1 1,2 1,3 1,4 1,5 1,6 1,7 1,8 1,9 Baker, Allan J.; Thomas, Gareth (2003). "Avocets and Stilts". En Perrins, Christopher. The Firefly Encyclopedia of Birds. Firefly Books. pp. 242–243. ISBN 1-55297-777-3. 
  2. Harrison, Colin J.O. (1991). Forshaw, Joseph, ed. Encyclopaedia of Animals: Birds. London: Merehurst Press. p. 107. ISBN 1-85391-186-0. 

Véxase tamén[editar | editar a fonte]

Bibliografía[editar | editar a fonte]