Zaragoza Club Deportivo

Na Galipedia, a Wikipedia en galego.
(Redirección desde «Real Zaragoza Club Deportivo»)
Zaragoza CD
NomeZaragoza Club Deportivo
Alcume(s)Tomates
Fundación1925
Desaparición1932
EstadioCampo de la Torre de Bruil,
Zaragoza, España España
Inauguración1924
Capacidade6 000
Na casa

O Real Zaragoza Club Deportivo, despois durante a República unicamente Zaragoza Club Deportivo, foi un equipo de fútbol español da cidade de Zaragoza, en Aragón. O club foi fundado en 1925, resultado da fusión entre a Real Sociedad Atlélica Stadium e o Zaragoza Foot-Ball Club. En 1932 fusionouse co Iberia Sport Club para formar o Zaragoza Foot-ball Club, actual Real Zaragoza.

Historia[editar | editar a fonte]

Tras varias fusións e absorcións dos clubs anteriores ao Real Zaragoza Club Deportivo, este nace froito da fusión entre o Zaragoza Foot-Ball Club e a Real Sociedad Atlética Stadium, adoptando o recoñecemento de Real outorgado ao Stadium, e sen modificar a tradicional camisa vermella con pantalón azul do mesmo, continúan así sendo coñecidos os xogadores do Real Zaragoza CD como "os tomates". O Zaragoza tomate xogaba no Campo de la Torre de Bruil, tamén coñecido como Campo de la Calle Asalto, por estar situado no número 13 desta.

Na tempada de 1928/29 queda 5º no Grupo B da Segunda División, grupo transitorio da categoría na que só os dous primeiros clasificados quedarían en Segunda. Durante a tempada 1929/30 figuraría na Terceira División, pero retírase debido a problemas económicos. Durante a tempada 30/31 queda como 4º clasificado no Grupo II da Terceira División. Disputaría a tempada 1931/32 en Rexional, co nome de Zaragoza Club Deportivo debido á instauración da Segunda República Española. Moi endebedado e con numerosos acredores, é apartado da competición por falta de pagamento e despois dado de baixa na Federación Aragonesa de Fútbol, no mes de decembro de 1931.

Finalmente tras conversacións entre o club e o Iberia Sport Club, que tamén se atopaba en mala situación, fusiónanse para dar orixe o 18 de marzo de 1932 ao Zaragoza Foot-ball Club, nome orixinal do actual Real Zaragoza.

Datos do club[editar | editar a fonte]

Véxase tamén[editar | editar a fonte]

Bibliografía[editar | editar a fonte]

Outros artigos[editar | editar a fonte]