Raymond Queneau

Raymond Queneau
	;
Biografía
Nacemento	(fr) Raymond Auguste Queneau ; 21 de febreiro de 1903 ; Le Havre, Francia
Morte	25 de outubro de 1976 (73 anos); 13º distrito de París, Francia
Causa da morte	cancro de pulmón
Lugar de sepultura	Juvisy-sur-Orge
Educación	Universidade de París
Actividade
Ocupación	poeta, guionista, matemático, tradutor, dramaturgo, novelista, escritor
Membro de	comité de lecture des éditions Gallimard (en) (1938–1976); OuLiPo ; College of 'Pataphysics (en)
Movemento	Surrealismo
Obra
Arquivos en	Centro Harry Ransom [ MS-4923]; Bibliothèque municipale du Havre (en) ;
Familia
Cónxuxe	Janine Kahn
Fillos	Jean-Marie Queneau
Premios
	(2017) Straelen Translator’s Prize provided by Kunststiftung NRW (en) ; (1933) Prix des Deux Magots ;
	Sinatura
Descrito pola fonte	UbuWeb
Sitio web	oulipo.net…

Raymond Queneau, nado e Le Havre o 21 de febreiro de 1903 e finado o 25 de outubro de 1976, foi un poeta e novelista francés.

Traxectoria

Graduado en 1919 en latín e grego, trasladouse a estudar na Sorbona de París, onde estudou tanto matemáticas como letras. Graduouse en filosofía e psicoloxía. Aí sentiuse atraído polo movemento surrealista. Despois dunha viaxe a Grecia en 1932, empezou a reflexionar sobre as diverxencias existentes entre as linguas faladas e as linguas escritas, diverxencia evidente no grego pero tamén no francés. Estas reflexións plasmounas en diversos artigos sobre o "neofrancés" e utilizounas nas súas novelas. Escribiu a súa primeira novela Le Chiendent, publicada en 1933.

Viviu do seu traballo como xornalista, realizando pequenos traballos, e logo, a partir de 1938, da súa colaboración coa editorial Gallimard na que foi tradutor, lector, membro do comité de lectura etc. En 1947 publicáronse os seus Exercicios de estilo^[1] (na lingua orixinal, Exercices de Style). Foi tamén o inicio das primeiras publicacións que realizou baixo o pseudónimo de Sally Mara, imitando ao Vernon Sullivan do seu amigo Boris Vian e que lle valeu diversos problemas coa censura.

Tras a liberación, frecuentou tamén os medios de Saint-Germain-des-Prés. Escribiu libretos para comedias musicais e os diálogos de diversas películas como Monsieur Ripois realizada por René Clément.

En 1950, entrou no Colexio de Patafísica e en 1951 na Academia Goncourt. Amante das ciencias, en 1948 entrou na Sociedade Matemática de Francia. Raymond Queneau sempre tentou aplicar normas aritméticas na construción das súas obras. Con motivo dun coloquio, fundou en 1960, xunto a François Le Lionnais, un grupo de investigación literaria e científica que se converteu no OuLiPo.

Notas

↑ Ficha da obra Arquivado 30 de xullo de 2018 en Wayback Machine., traducido por Henrique Harguindey e Xosé Manuel Pazos e publicada por Xerais en 1995.

Véxase tamén

Ligazóns externas

Omajakeno Arquivado 17 de maio de 2021 en Wayback Machine. (en francés)

[1] Ficha da obra Arquivado 30 de xullo de 2018 en Wayback Machine., traducido por Henrique Harguindey e Xosé Manuel Pazos e publicada por Xerais en 1995.

[1]