Raul da Costa Couvreur
 | |
| Biografía | |
|---|---|
| Nacemento | 27 de agosto 1879 Lisboa, Portugal  |
| Morte | 24 de xullo de 1959 (79 anos) Lisboa |
| Datos persoais | |
| País de nacionalidade |  Portugués. |
| Educación | Escola do Exército (Lisboa). |
| Actividade | |
| Campo de traballo | Numismática e enxeñaría química. |
| Ocupación | escritor |
| Lingua | Lingua portuguesa |
| Familia | |
| Cónxuxe | Deborath Olímpia de Aguiar Craveiro Lopes. |
| Premios | |
| (1949): Premio Garnier de Enxeñaría. | |
Raul da Costa Couvreur, nado en Lisboa o 27 de agosto de 1879 e finado na mesma cidade o 24 de xuño de 1959, foi un enxeñeiro, numismático, profesor e escritor portugués.
Traxectoria[editar | editar a fonte]
Raul da Costa Couveur naceu o 27 de agosto de 1879 en Lisboa, fillo de Júlia Penteado da Costa e de Jaime Agnelo dos Santos Couvreur.
Carreira como enxeñeiro[editar | editar a fonte]
En 1902 finalizou a súa formación en Enxeñaría Civil e de Minas[1] na Escola do Exército —a actual Academia Militar—, en Lisboa.[2]
Iniciou a súa carreira profesional en 1904, na Dirección Sur e Sueste dos Caminhos de Ferro do Estado, como enxeñeiro en prácticas nos Talleres Xerais. Desde ese posto foi ascendido progresivamente a enxeñeiro de estudos, xefe da sección de construción, adxunto e xefe dos servizos de Vías e Obras e, finalmente, subdirector da compañía.[1][2]
En 1921 deixou este posto, para se facer cargo da vicexefatura e da xefatura de sección de Enxeñaría Civil da Administración Xeral de Correos, Telégrafos e Teléfonos, onde ocupou o posto de xefe da sección de enxeñaría civil.[1][2]
Ao se crear a Dirección Xeral dos Ferrocarrís, asumiu o posto de xefe da División de Vías e Obras, e despois trasladouse ao Consello Superior de Obras Públicas, onde desempeñou varios postos antes de chegar á presidencia da institución. Foi tamén secretario xeral do Ministerio das Obras Públicas, Transportes e Comunicacións de Portugal.[1][2]
Ao tempo que exercía a súa actividade técnica e administrativa, Raul da Costa Couveur tamén impartiu docencia no Instituto Industrial de Lisboa, onde foi axudante e professor, nas cátedras de Topografía, Estradas e Ferrocarrís.[1][2]
No ámbito asociativo, foi membro de honra da Asociación Internacional dos Congresos de Ferrocarrís, e delegado de Portugal en varios congresos desta institución entre 1930 e 1950, en Roma, Londres, Madrid, O Cairo e París. Presidiu a Orde dos Enxeñeiros entre 1952 e 1953,[3] e foi vicepresidente da Asociación de Enxeñeiros Civís Portugueses en 1929.[1][2]
Igualmente, foi un membro laureado da Sociedade de Enxeñeiros Civís de Francia, e foi presidente e, posteriormente, presidente de honra da sección portuguesa desta institución.[1][2]
Ademais, foi membro do consello directivo do xornal Gazeta dos Caminhos de Ferro, do que dimitiu en 1957, por motivos de saúde.[1][4]
Dedicación á numismática[editar | editar a fonte]
Paralelamente á súa dedicación á enxeñaría, Raul da Costa Couveur foi un grande afeccionado á historia e á numismática, e un profundo estudoso da historia da moeda portuguesa, asunto siobre o que publicou un bo número de estudos.[1]
Pertenceu a diversas entidades académicas e asociativas. Entre elas, presidiu a Asociación dos Arqueólogos Portugueses e a súa Comisión de Numismática e foi socio da Sociedade de Numismática do Porto, socio honorario da Sociedade de Numismática de São Paulo e da Sociedade Numismática Brasileira, académico de número da Academia Portuguesa da História e académico correspondente da Real Academia de Ciencias, Belas Letras e Nobres Artes de Córdoba e da Real Academia da Historia, de Madrid.[1][2]
Vida persoal[editar | editar a fonte]
Raul da Costa Couveur casou con Deborath Olímpia de Aguiar Craveiro Lopes, con quen tivo un fillo e unha filla.[1]
Faleceu o 24 de xuño de 1959, aos 79 anos, na ssúa residencia en Lisboa.[1]
Recoñecementos[editar | editar a fonte]
Honras[editar | editar a fonte]
- (1921): Oficial da Orde Militar de Santiago da Espada.[1]
- (1934): Grande Oficial da Orde Militar de Cristo.[1]
- (1949): Gann Cruz da Orde Militar de Cristo.[1]
- (1959). Medalla da Emperatriz Leopoldina, de Francia.[1]
- (1959): Cabaleiro da Orde Nacional da Lexión de Honra, de Francia.[1]
Premios[editar | editar a fonte]
- (1949): Premio Garnier de Enxeñaría, da Sociedade de Enxeñeiros Civís de Francia.[1]
Obras publicadas[editar | editar a fonte]
Raul da Costa Couvreur foi autor dun bo número de artigos publicados en diversas revistas especializadas do seu tempo. Esta é aunha escolma dos seus traballos monográficos máis salientables da súa carreira:[5]
Numismática[editar | editar a fonte]
- (1935). As moedas de D. Afonso V com as armas de Portugal e as de Castela e os escudos de ouro do mesmo reinado. Associação dos Arqueólogos Portugueses, Lisboa.
- (1936). Ainda as moedas de D. Afonso V com as armas de Portugal e as de Castela. Lisboa.
- (1936). Moedas do Príncipe da Paz, Manuel Godoy como Soberano do Principado dos Algarves. Lisboa.
- (1942). Moedas de D. Manuel I: o meio-portuguez de prata. Brotéria, Lisboa.
- (1943). A Cruz da Ordem de Cristo em Moeda Estrangeira. Lucas, Lisboa.
- (1943). Numismática indo-portuguesa: bazarucos. Sociedade Astória, Lisboa.
- (1943). A moeda na Restauração. Emprêsa Nacional de Publicidade, Lisboa.
- (1945). O nome do marco abolido por D. João II por provisão de 14 de Outubro de 1488. H. Torres, Lisboa.
- (1946). Moedas da Companhia do Niassa: moedas de 20 e de 10 Rèis. Sociedade Astoria, Lisboa.
- (1952). Moedas de D. Manuel I o índio. Guimaraes.
- (1953):Moedas de duvidosa autenticidade existentes no Statens Historisca Museum de Stockholm. Sociedade Portuguesa de Numismática, Porto.
- (1954). Moedas Híbridas. Sociedade Portuguesa de Numismática, Porto.
- (1955). Numismática de D. João V. Guimaraes.
- (1956). As moedas de cobre para S.Tomé e Príncipe. Sociedade Portuguesa de Numismática, Porto.
- (1956). Uma Reprodução em Cobre de Moeda de Retrato datada de 1650, com a Efígie de D. João IV e a "Conceição". Fundação da Casa de Bragança, Lisboa.
Enxeñaría[editar | editar a fonte]
- (1952). Primeiro centenário do Ministério das Obras Públicas: 1852-1952. Empresa Nacional de Publicidade, Lisboa.
- (1959). Inauguração dos caminhos de ferro em Portugal: uma data e um nome. Academia Portuguesa da História, Lisboa.
Notas[editar | editar a fonte]
- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 1,14 1,15 1,16 1,17 "In Memoriam. Engº. Raul da Costra Couvreur". En Gazeta dos Caminhos de Ferro. Nº 1.717. 1 de xullo de 1959. Páxinas 257-258.
- ↑ 2,0 2,1 2,2 2,3 2,4 2,5 2,6 2,7 "Engenheiro Raúl da Costa Couvreur". En Gazeta dos Caminhos de Ferro. Nº 1.628. 16 de outubro de 1955. Páxinas 419-429.
- ↑ "Galeria de Bastonários". Ordemengenheiros.pt
- ↑ "Conselho Directivo da Gazeta dos Caminhos de Ferro". En Gazeta dos Caminhos de Ferro. Nº 1.537. 1 de xaneiro de 1952. Páxinas 405-407.
- ↑ "Couvreur, Raul da Costa". WorldCat Identities.
Véxase tamén[editar | editar a fonte]
Bibliografía[editar | editar a fonte]
- "Engenheiro Raúl da Costa Couvreur". En Gazeta dos Caminhos de Ferro. Nº 1.628. 16 de outubro de 1955. Páxinas 419-429.
- "In Memoriam. Engº. Raul da Costra Couvreur". En Gazeta dos Caminhos de Ferro. Nº 1.717. 1 de xullo de 1959. Páxinas 257-258.
