Do ano 1241, é o Liber Census Daniæ, o primeiro documento que fai referencia á vila de Rapla por vez primeira, e aparece como Rapal.[1] A finais dese mesmo século foi cando se construíu a igrexa de María Magdalena, cuxo edificio actual, de nova construción, foi rematado no 1901.
Vídeo con dron de Rapla e o seu edificio octogonal KEK en 2021.
Tanto a vila como a igrexa, orixinalmente, pertencían ao señorío de Alu.[2] Posteriormente, no 1478, pasou a depender do mosteiro de Padise. Non foi até 1705, que Alu e Rapla se separaron, formando unidades administrativas diferentes.[3] A cidade orixinouse arredor dunha casa señorial, da que non queda ningún edificio na actualidade.[4]
A mediados do século XIX, comezou un período de crecemento para Rapla cando, en 1866, se abre unha farmacia; no 1868, unha escola e no 1893, unha estación para dilixencias de correo. A partir de 1900, o concello beneficiouse da creación da liña de ferrocarril de vía estreita que unía Talín e Viljandi, e pasou a haber unha estación en Rapla. Durante este período, se estableceron preto de Rapla, unha fábrica de ladrillos e outra de refrescos.[2] Así e todo, a liña durou pouco tempo (1931-1968) pois foi pechada a finais da década dos anos 60.
No 1945, Rapla, dentro da República Socialista Soviética de Estonia obtivo a categoría de pequeno concello (alevik en estoniano). Finalmente, no 1993, obtivo os dereitos de cidade (vald, en estoniano) e no 2002, a cidade máis o concello rural circundante se fusionaron.[3]
O principal monumento de Rapla é a igrexa de María Magdalena, de culto evanxélicoluterano, e destaca polas súas grandes dimensións, ten unha capacidade de 3.000 persoas, o que a converte na igrexa máis grande de Estonia e conta con dúas torres na fachada.[8] Foi construída en 1901, en estilo neorrománico por Rudolf von Engelhardt.[9]
Estación de tren de Rapla.
Centro cultural de Rapla.
Vista da cidade.
Edificio de entidade bancaria.
Interior da igrexa de María Magdalena.
Portada da Igrexa de María Magdalena.
Construción da liña Rapla-Virtsu (1928).
.jpg)
_01.jpg)
