Ramon Espadaler
Ramon Espadaler i Parcerisas, nado en Vic o 19 de setembro de 1963, é un político catalán, secretario xeral de Unió Democràtica de Catalunya, deputado no Parlamento de Cataluña, e candidato do seu partido á presidencia da Generalitat nas eleccións de 2015.
Traxectoria[editar | editar a fonte]
Licenciado en Historia pola UB e mais en Ciencias Políticas e Socioloxía pola UAB. Militante de UDC desde 1989.
Foi tenente de alcalde de Sant Quirze de Besora entre 1991 e 1999. En 1992 entrou no Parlamento de Cataluña e desde 1999 ata 2001 foi tenente de alcalde de Vic. Foi secretario do comité de goberno de UDC en 2001 e 2002 e presidente do seu consello nacional desde 2003. Foi director xeral da administración local da Generalitat entre 1999 e 2001.[1] Entre 2001 e 2003 foi conselleiro de medio ambiente da Generalitat de Cataluña. Nomeado conselleiro de Interior o 27 de decembro de 2012 e en xullo de 2014 asumiu o cargo de secretario xeral de CiU en substitución de Josep Antoni Duran i Lleida[2]
O 17 de xuño de 2015 por mor das tensións, e posterior ruptura, entre CDC e UDC sobre o proceso independentista, Ramón Espadaler anunciou a súa renuncia como conselleiro do interior.
Obra[editar | editar a fonte]
É autor de diversas monografías históricas e de diversos artigos na prensa, entres os que salientan os libros El Castell de Montesquiu a la darreria de l'Edat Mitjana (Ed. L'Avenç) e Sant Hipòlit de Voltregà dins la història (Eumo Editorial). Tamén colaborou na redacción da obra Catalunya Romànica (Fundació Enciclopèdia Catalana)
Notas[editar | editar a fonte]
- ↑ "Conseller d'Interior Departamento do Interior". Arquivado dende o orixinal o 24 de setembro de 2015. Consultado o 23 de agosto de 2015.
- ↑ «Espadaler, un dels homes forts d'Unió, serà el relleu de Duran a CiU324.cat;22/07/2014.
