Ragnar Sigurðsson

Ragnar Sigurðsson
	; (2018)
Biografía
Nacemento	19 de xuño de 1986 (39 anos); Reiquiavik, Islandia
Altura	185 cm
Peso	77 kg
Actividade
Ocupación	futbolista, adestrador de fútbol
Período de actividade	2004 -
Nacionalidade deportiva	Islandia
Deporte	fútbol
Posición de xogo	Defensa central
Número deportivo	25
2004–2006
Traxectoria
Participou en
2018	Mundial de Fútbol Rusia 2018
2016	Eurocopa de Fútbol Francia 2016
Premios
	(2010) Arcanxo do ano; (2007) Bola de cristal ;
Descrito pola fonte	ifkdb (en)

Ragnar Sigurðsson, nado en Reiquiavik o 19 de xuño de 1986, é un futbolista islandés. Xoga na demarcación de defensa para o FC Krasnodar da liga Premier de Rusia.

Traxectoria en clubs

Fylkir Reykjavík

Ragnar iniciou a súa carreira nas categorías inferiores do Fylkir Reykjavík no ano 2002 para acabar debutando co primeiro equipo dous anos máis tarde, onde permanecería até o 2006.

IFK Göteborg

En 2006 fichou polo club sueco IFK Göteborg. Debutou na Allsvenskan o 6 de abril de 2007 e xogou os 26 partidos de liga completos, formando unha formidábel parella con Mattias Bjärsmyr. O seu equipo acabaría por gañar a Allsvenskan ese ano polo que de contado o seu nome empezou a se asociar a varios grandes clubs da Ligue 1, Serie A, Bundesliga ou da Premier League. O daquela director de deportes do IFK Göteborg, Håkan Mild comentou que o club esixía uns 3.000.000 € por este talentoso defensa. Durante a súa segunda tempada Ragnar xogou 29 partidos (de 30) e o equipo terminou en 3º lugar, gañando a Supercupen e a Svenska Cupen.

FC København

O 30 de maio de 2011, Ragnar asinou un contrato de catro anos cos campións dinamarqueses do F.C. København^[1] cun custo estimado da fichaxe de preto de 5.500.000 de Coroas Dinamarquesas. Neste club habería de conquistar a Copa de 2012 e a liga de 2013.

FC Krasnodar

O 23 de xaneiro de 2014, o FC Krasnodar da primeira liga rusa anunciou que asinaran con Ragnar un contrato de dous anos e medio con opción a un ano adicional.

Selección nacional

Debutou coa selección de fútbol de Islandia o 22 de agosto de 2007 nun partido amigábel contra Canadá, encontro que finalizou con empate a un.^[2] Ademais disputou a clasificación para a Eurocopa 2008, a clasificación para a Eurocopa 2012, a clasificación para a Eurocopa 2016, a clasificación para a Copa Mundial de Fútbol de 2010 e a clasificación para a Copa Mundial de Fútbol de 2014.

Goles internacionais

#	Data	Estadio	Opoñente	Gol	Resultado	Competición
1	16 de novembro de 2014	Doosan Arena, Pilsen, República Checa	República Checa	0-1	2–1	Clasificación para a Eurocopa 2016
2	27 de xuño de 2016	Allianz Riviera, Niza, Francia	Inglaterra	1-1	1-2	Eurocopa 2016

Clubs

Club	País	Ano	Partidos	Goles
Fylkir Reykjavík	Islandia	2004 - 2006	58	2
IFK Göteborg	Suecia	2006 - 2011	141	14
F.C. København	Dinamarca	2011 - 2013	111	4
FC Krasnodar	Rusia	2013 -	83	4

Palmarés

Campionatos nacionais

Título	Club	País	Ano
Allsvenskan	IFK Göteborg	Suecia	2007
Copa de Suecia			2008
Supercopa de Suecia			2008
Superliga	F.C. København	Dinamarca	2013
Copa de Dinamarca	F.C. København	Dinamarca	2012

Notas

↑ "FC København henter islænding i Sverige". Consultado o 2016-07-03.
↑ "Islandia 1-1 Canadá". Worldfootball. 22 de agosto de 2007. Consultado o 24 de setembro de 2015.

Ligazóns externas

Vídeo que repasa a traxectoria de Ragnar Sigurðsson no IFK Göteborg.

[1] "FC København henter islænding i Sverige". Consultado o 2016-07-03.

[2] "Islandia 1-1 Canadá". Worldfootball. 22 de agosto de 2007. Consultado o 24 de setembro de 2015.

[1]

[2]