Rañaceos

Na Galipedia, a Wikipedia en galego.
Saltar para a navegação Saltar para a pesquisa
O Burj Khalifa, en Dubai, é dende o ano 2010 o rañaceos máis alto do mundo.

Os rañaceos[1] (en singular e plural) son edificios dotados dunha altura singular fronte aos demais e dunha forma xeral presentando formatos de torre. Estes edificios normalmente posúen carácter multifuncional, sendo capaces de abrigar establecementos residenciais, comerciais, de servizos, entre outros. A súa presenza no espazo urbano, cando destacada por enriba da altura media dos demais edificios, constitúese en xeral como unha referencia ou marco para a cidade, aínda que tamén poida xerar problemas varios ligados á mobilidade urbana, consumo de enerxía e seguridade.

Historia[editar | editar a fonte]

Rañaceos en Madrid.

Ao longo da historia da arquitectura, con excepción de monumentos como obeliscos e columnas, encóntranse poucos edificios dotados de grande altitude. Normalmente, os poucos exemplares eran as torres, as cales posuían algún tipo de significado relixioso (como as torres de templos católicos) ou militar. Até o período da Revolución Industrial, os edificios de uso cotián raramente posuían múltiples andares.

Até mediados do século XIX, a altura máxima encontrada nas grandes cidades capitalistas era de uns cinco andares. Unha das razóns era debida ás escadas, pois ninguén se dispuña a subir até andares altos. Por outro lado, a construción de edificios altos demandaba sistemas construtivos e tecnolóxicos avanzados. Como a maior parte das edificacións eran construídas en cachotería, canto maior a altitude, maiores as espesuras necesarias para as súas paredes portantes, sexa para soportar os andares superiores ou para resistir aos esforzos do vento. De aí que, avances construtivos que tornaban as paredes independentes dos elementos estruturais do edificio, como o formigón armado e a estrutura en ferro (e máis tarde en aceiro) xa posibilitaban a construción de edificios altos: o inconveniente das escadas, aínda así, era maior e estes sistemas dunha forma xeral eran caros.

En 1852, a invención do ascensor por Elijah Otis eliminou o primeiro impedimento. O segundo problema foi resolto a partir da popularización dos sistemas construtivos avanzados: a prefabricación de elementos construtivos en aceiro nos países industrializados pasou a ser relativamente común. Así, en 1885 foi construído en Chicago o que está considerado como o primeiro rañaceos, o Home Insurance Building, deseñado por William Le Baron Jenney.

Na década de 1920, unha conxunción de factores — novas técnicas de construción, materiais máis resistentes e a invención dos elevadores — deu lugar aos rañaceos. A novidade cambiou as formas de consumo, de facer comercio e, principalmente, da morada dos habitantes das metrópoles. Cabe notar tamén que a produción arquitectónica ligada á Escola de Chicago, influenciada e esixida polas necesidades do capitalismo naquela cidade, e a arquitectos como Louis Sullivan posuíu tamén un papel de difundir as novas tipoloxías urbanas entre outras cidades no mundo. O rañaceos pasaría a caracterizarse como símbolo do progreso industrial nas grandes cidades do mundo desenvolvido: a cidade de Nova York viviu nas dúas décadas seguintes unha carreira entre emprendedores en busca da construción do edificio mais alto. Como froito deste fenómeno, xurdiron edificios que hoxe son considerados símbolos daquela cidade, como o Empire State Building, o Chrysler Building e máis tarde o Rockfeller Center.

Os vinte rañaceos máis altos do mundo[editar | editar a fonte]

Os edificios en letra grosa foron os máis altos do mundo no momento da súa construción.

Posto Imaxe Edificio Cidade País Altura Andares Ano de construción
1 2012-01-22 Burj Dubai - panoramio.jpg Burj Khalifa Dubai Flag of the United Arab Emirates.svg Emiratos Árabes Unidos 828 m 163 2010
2 Shanghai Shanghai Tower 5166304.jpg Shanghai Tower Shanghai Flag of the People's Republic of China.svg China 632 m 128 2015
3 Final circulation of the Kaaba.jpg Abraj Al-Bait Clock Tower A Meca Flag of Saudi Arabia.svg Arabia Saudita 601 m 120 2012
4 Ping An Tower Nov.2016.jpg Ping An Finance Centre Shenzhen Flag of the People's Republic of China.svg China 599 m 115 2017
5 Lotte World Tower (April 30 2017).jpg Lotte World Tower Seúl Flag of South Korea.svg Corea do Sur 554.5 m 123 2016
6 View to One World Trade Center.jpg One World Trade Center Nova York Estados Unidos de América Estados Unidos 541.3 m 104 2014
7 Canton CTF Finance Center (2016-08-22).jpg Guangzhou CTF Finance Centre Cantón Flag of the People's Republic of China.svg China 530 m 111 2016
8 Sen imaxe Tianjin CTF Finance Centre Tianjin Flag of the People's Republic of China.svg China 530 m 98 2017
9 China Zun and Samsung China Headquarters.jpg China Zen Pequín Flag of the People's Republic of China.svg China 528 m 108 2018
10 Forbys Taipei 101.jpg Taipei 101 Taipei Flag of the Republic of China.svg Taiwán 508 m 101 2004
11 Shanghai World Financial Center Far.jpg Shanghai World Financial Center Shanghai Flag of the People's Republic of China.svg China 492 m 101 2008
12 International Commerce Centre 201408.jpg International Commerce Centre Hong Kong Flag of the People's Republic of China.svg China 484 m 118 2010
13 Lakhta Center orig.jpg Lakhta Center San Petesburgo Rusia Rusia 462 m 86 2018
14 长沙九龙仓国金中心.jpg Changsha IFS Tower T1 Changsha Flag of the People's Republic of China.svg China 452.1 m 88 2017
15 e 16 Petronas Towers by Day-Edit(ws).jpg Petronas Tower 1 Kuala Lumpur Flag of Malaysia.svg Malaisia 451.9 m 88 1998
Petronas Tower 2
17 Zifeng Tower 2017.jpg Zifeng Tower Nanjing Flag of the People's Republic of China.svg China 450 m 89 2010
18 Suzhou IFC 2016-10-Morning.jpg Suzhou IFS Suzhou Flag of the People's Republic of China.svg China 459 m 92 2017
19 Sears Tower ss-alt.jpg Willis Tower Chicago Estados Unidos de América Estados Unidos 442.1 m 108 1974
20 KK100 in January 2018.jpg KK100 Shenzhen Flag of the People's Republic of China.svg China 442 m 100 2011

Rañaceos por localización[editar | editar a fonte]

Notas[editar | editar a fonte]

  1. Definicións no Dicionario da Real Academia Galega e no Portal das Palabras para rañaceos.