Río Somme

Na Galipedia, a Wikipedia en galego.
Saltar ata a navegación Saltar á procura
Río Somme
Somme.JPG
Localización administrativa
EstadoFlag of France.svg Francia
DivisiónFlag of Picardie.svg Picardía
Departamentos de Aisne e Somme
Características
Lonxitude máxima245 km
Mapa
Bassin de la Somme.svg

O río Somme é un río do norte de Francia que dá o seu nome ao departamento homónimo. Cunha lonxitude de 245 km, desemboca no canal da Mancha.

Hidrónimo e topónimos[editar | editar a fonte]

O seu nome procede da palabra celta "Somme", que significa tranquilidade. O río deu nome ao departamento do Somme, e a doce comunas: Fonsomme, Sommette-Eaucourt, Béthencourt-sur-Somme, Cléry-sur-Somme, Bray-sur-Somme, Vaux-sur-Somme, Ailly-sur-Somme, Belloy-sur-Somme, Hangest-sur-Somme, Fontaine-sur-Somme, Eaucourt-sur-Somme e Saint-Valery-sur-Somme.

Eventos históricos[editar | editar a fonte]

  • En materia de prehistoria, Jacques Boucher de Perthes, un mozo afeccionado á procura na canle do río Somme, atopou restos de animais distintos aos coñecidos en Europa a finais do século XIX, este achado alimentou as teorías eclesiásticas sobre o diluvio universal, aínda que máis tarde Boucher de Perthes atopou restos do que parecían machadas de pedra, o cal deu lugar ao desmoronamento destas teorías. Aínda que Buffon, deu o primeiro paso para a destrución da anterior crenza bíblica e máis adiante Darwin achegou as súas teorías sobre a evolución, Boucher de Perthes, é considerado todo un visionario.
  • De acordo á tradición católica, San Quintín foi martirizado no século III, os seus restos foron guindados ao río Somme e recuperados anos máis tarde no lugar onde se construíu unha basílica na súa honra, a basílica de Saint-Quentin.
  • O exército de Eduardo III cruzou o río en 1346 na batalla de Blanchetaque, culminando a campaña na batalla de Crécy.
  • O cruzamento do río tamén figurou prominentemente na campaña que levou á batalla de Agincourt.
  • En 1636, o exército de Flandres, invadiu o norte de Francia ameazando París, tras atravesar o río derrotando ao exército de Luís XIII.
  • En 1770 iníciase a construción da canle do Somme que foi terminado en 1843 cunha lonxitude de 156 km.
  • O Somme fíxose famoso pola batalla do Somme, na primeira guerra mundial en 1916.
  • Cerca do río estrelouse o piloto alemán da Primeira Guerra Mundial Manfred von Richthofen, coñecido como o Barón Roxo o 21 de abril de 1918 ao ser alcanzado por unha bala.
  • As grandes batallas que finalmente pararon o avance alemán na ofensiva da primavera de 1918 foron loitadas no val do Somme en lugares como Villers Bretonneux, o que marcou o principio do fin da guerra.

Departamentos e cidades que atravesa[editar | editar a fonte]

Principais afluentes[editar | editar a fonte]

  • Marxe esquerda do río: Omignon, Hallue, Nièvre, Scardon.
  • Marxe dereita do río: Avre, Sele, Saint-Landon, Airaine, Ambroise, Ancre.

Véxase tamén[editar | editar a fonte]