Río Miñor
Miñor | |
---|---|
![]() Ponte da Ramallosa, no río Miñor.. | |
País | ![]() |
Nacemento | Serra do Galiñeiro |
Altitude | 400 msnm |
Lonxitude | 16 Km |
Desembocadura | Baía de Baiona |
O Miñor é un río pequeno, de 16 km de lonxitude, que morre na estrema común dos concellos de Nigrán e Baiona, entre as parroquias de Santa Cristina da Ramallosa e San Pedro da Ramallosa.
En Ramallosa ten unha importante ponte do románico tardío que une os concellos de Baiona e Nigrán. Augas arriba está a ponte de Mañufe.
Percorrido[editar | editar a fonte]
Nace na serra do Galiñeiro, a 400 m de altitude. Decorre polo val do seu mesmo nome: o Val Miñor, que ademais dos concellos mencionados comprende o de Gondomar, en cuxo territorio ten o nacente este río.
A súa desembocadura é unha marisma, A Ramallosa, que está dentro da rede Natura 2000, polo seu alto valor ecolóxico, debido especialmente á variedade ornitolóxica que presenta.