Río Caudal

Na Galipedia, a Wikipedia en galego.
Caudal
O Caudal na altura de Mieres
PaísAsturias
NacementoConfluencia do Lena e Aller
Lonxitude18 km
DesembocaduraRío Nalón

O río Caudal é un curso fluvial que corre pola zona central de Asturias, no norte da Península Ibérica, e verte as súas augas no río Nalón, despois de apenas 18 km de percorrido. Ten sona por constituír unha das dúas grandes concas mineiras de Asturias, distribuíndose na súa contorna varios pozos mineiros.

Curso[editar | editar a fonte]

O Caudal nace en Sovilla, Mieres, a 256 metros de altura sobre o nivel do mar, da confluencia dos ríos Lena e Aller. O sentido xeral da súa marcha é sur-norte, pero cunha grande incurvatura cara oeste. Desemboca no Nalón á altura de Soto de Ribera.

Afluentes[editar | editar a fonte]

Os seus tributarios son pequenos regatos dos que se poden citar o Duró, Turón, San Juan e máis o Valdecuna, entre outros.

Localidades que atravesa[editar | editar a fonte]

A poboación máis importante que cruza é a cidade de Mieres.

Historia e curso do río[editar | editar a fonte]

O río de Mieres, é dicir o Caudal, era denominado, até 1304, río Aller, polo que este semella ser o nome orixinal e o nacemento do río correspondería ao que hoxe se considera un confluente. A partir desa data pasou a denominarse Caudal pola abundante auga que levaba. Popularmente é denominado polos mierenses "río grande"[1]. Porén durante o século XX a continuación do Caudal, río arriba, considerouse que era o río Lena, como se pode ver en atlas de uso corrente[2]. Esta identificación aínda se mantén na actualidade por organismos oficiais, como a Confederación Hidrográfica do Cantábrico, que o expón así na súa cartografía[3].

Prolongado a través do Lena, o Caudal atinxe un total de 61 km de lonxitude e o seu nacemento viría a radicarse nos Montes de Val Grande, nas inmediacións do Porto de Payares, moi cerca das lindes coa provincia de León.

Notas[editar | editar a fonte]

  1. http://mieresymierenses.com/EL9620RIO.htm[Ligazón morta]
  2. Cfr., p.ex. Atlas Medio Universal y de España. Madrid. Ed. Aguilar. 1960, mapas das páxs. 82-83
  3. CHCant http://chcantabrico.es/imagenes/cuenca/Rios_CHCant.pdf Arquivado 14 de decembro de 2009 en Wayback Machine.