Río Camlad

Río Camlad
O Camlad ao noroeste de Chirbury, marcando o límite entre Inglaterra e Gales
País	Gales e Inglaterra
Nacemento	zona de Snead e Lydham
Desembocadura	río Severn

O río Camlad é un pequeno río que rega os condados de Powys e Shropshire e que en tramos establece o límite entre Gales e Inglaterra, antes de abocar no río Severn. É o único río que desde Inglaterra entra en Gales, facéndoo por dúas veces.

O río nace na zona de Snead e Lydham (Inglaterra) e discorre cara ao oeste para facer de raia entre Gales e Inglaterra antes de fluír cara ao noroeste e entrar en Gales, onde pasa por Yr Ystog e recibe ao río Caebitra para se dirixir ao norte, cruzando a fronteira para pasar de novo a Inglaterra, ao leste de Chirbury antes de dar a volta ao oeste de novo para formar por segunda vez o límite entre Inglaterra e Gales, transcorrendo cara o noroeste dentro de Gales desaugando no Severn ao oeste de Forden.