Réaltán Ní Leannáin
  | |
| Biografía | |
|---|---|
| Nacemento | 1960 (63/64 anos) Belfast, Reino Unido |
| Actividade | |
| Ocupación | escritora , conferenciante |
| Empregador | Trinity College Dublín Dublin City University (en)  |
| Lingua | Lingua irlandesa |
Réaltán Ní Leannáin, nada en Belfast en 1960 é unha escritora irlandesa.[1]
Nós Diario publicou en setembro de 2021 o seu relato Golpe de estado no proxecto Un verán en Galeusca, impulsado entre VilaWeb, Berria e Nós Diario, coa novidade da participación do medio irlandés Belfastmedia.[1]
Traxectoria[editar | editar a fonte]
Pasou a súa mocidade e adolescencia durante os anos sesenta e setenta en Belfast, para despois vivir en Dublín.
Réaltán comezou a ensinar irlandés e español en escolas de secundaria nivel nos anos oitenta. Pasou un tempo por toda España e ten experiencia en moitos dos diferentes idiomas que se falan no estado. Despois pasou á educación superiro, impartindo clases de educación no Trinity College e na Dublin City University . De alí foi á Queen's University, Belfast.
Mentres daba clases na Queen's University desenvolveu un cancro. Non obstante, superou esta dificultade e escribe desde 2007. Publicou unha colección de poesía, Turas Ailse (2011), baseada nesta experiencia. Leva blogs sobre cancro[2] e outros aspectos da súa vida e repasa libros acabados de publicar.[3] Tamén colabora con chíos nas redes.[4]
En 2015 Cló Iar-Chonnacht publicou a súa colección de relatos, Dílis, unha visión desapiadada das mulleres sobre a vida. Tiña moita demanda e provocou controversia coa súa decidida perspectiva.
Réaltán é a primeira escritora irlandesa en ser seleccionada polo Foras na Gaeilge para o proxecto internacional de escritura Focail Eile. Este é un programa de asociación entre organizacións culturais de toda Europa co obxectivo de establecer unha rede de colocacións creativas para escritores europeos en linguas minoritarias e minorizadas.
As súas narracións apareceron en varias revistas e antoloxías. Está a editar unha antoloxía de relatos coa Editorial Éabhlóid. Os escritos de Réaltán Ní Leannáin habitúan tratar temas relacionados cos lazos de familia, os barrios urbanos e a relixión, tres elementos que se entrelazan nas súas obras.[1]
Publicacións[editar | editar a fonte]
Libros[editar | editar a fonte]
- Turas ailse (2011) Coiscéim, unha colección de poesía
- Dílis (2015), Cló Iar-Chonnacht, unha colección de relatos ISBN: 9781784441234
- Cití na gCártaí (2019). Novela que está ambientada tanto en Malta como en Belfast durante os últimos anos da Primeira Guerra Mundial
Colaboracións[editar | editar a fonte]
- "An páiste deiridh" (2012) en An Guth 7 (Rody Gorman, editor), Coiscéim, poema.
- "Aerfort" (en Dilis), un texto proposto por NCCA para o primeiro ano do novo TS.
- "Clic", un relato breve, en Feasta, marzo de 2014.
- "Impirí", un relato breve, no An tUltach, decembro de 2015.
- "Teas", un relato breve, en Comhar, outubro de 2015.
- "Is Iomaí Cor", un relato breve, en http://www.otherwordsliterature.eu/ Arquivado 22 de novembro de 2018 en Wayback Machine. (2016), traducións dispoñibles na páxina en inglés e noutros idiomas.
- "Bongú", un fragmento dunha novela, no An tUltach, Semana Santa de 2016
- "Watching", ficción flash, The Incubator, número 13, agosto de 2017
- "Doors", un relato breve, The Incubator, número 14, decembro de 2017
- "An Cor nach gCastar", un drama radiofónico, ( Raidió na Life ), producido en 2018
Notas[editar | editar a fonte]
- ↑ 1,0 1,1 1,2 "Nós Diario". hemeroteca.nosdiario.gal. Consultado o 2021-09-01.
- ↑ "turasailse". blogspot.ie.
- ↑ Leannáin, Réaltán Ní (2016-12-06). "Fataí na Filíochta". banba. Consultado o 2021-09-01.
- ↑ "Chíos". Twitter. Consultado o 2021-09-01.