Quiralidade (xeometría)

As pezas en forma de L e S do Tetris son quirais 2D. O cadrado, a barra e a T son aquirais.

A quiralidade(do grego χειρ, kheir: "man") é unha propiedade de asimetría importante en varias ramas da ciencia. Un obxecto ou sistema é quiral se non se pode superpoñer á súa imaxe especular. O obxecto quiral e a súa imaxe especular chámanse enantiomorfos (do grego formas opostas) ou enantiómeros cando se refiren ás moléculas. Chámase obxecto aquiral ou non quiral (ás veces tamén anfiquiral) se pode superpoñerse á súa imaxe especular.

Definición xeométrica

En xeometría unha figura é aquiral se e só se o seu grupo de simetría contén polo menos unha isometría de inversión de orientación. En dúas dimensións, cada figura que posúe un eixe de simetría é aquiral, e pode demostrarse que cada figura aquiral acoutada debe ter un eixe de simetría.

En tres dimensións, cada figura que posúe un plano de simetría ou un centro de simetría é aquiral. Porén, hai figuras aquirais que carecen tanto de planos coma de centro de simetría. En termos de grupos puntuais, todas as figuras quirais carecen dun eixe de rotación impropio (S_n). Isto significa que non poden conter un centro de inversión (i) ou un plano especular (σ). Soamente poden ser quirais as figuras cunha designación de grupo puntual C₁, C_n, D_n, T, O, ou I.

Véxase tamén

Outros artigos

• Sólido ríxido
• Simetría
• Quiralidade
• Quiralidade (química)