Queixo de Tetilla

Na Galipedia, a Wikipedia en galego.
(Redirixido desde "Queixo de tetilla")
Saltar ata a navegación Saltar á procura
Queixos DOP Tetilla
  • Este artigo trata sobre un tipo de queixo, para o xénero de plantas véxase Tetilla (xénero).

O queixo Tetilla é un queixo DO elaborado en Galiza con leite de vaca. Tamén é coñecido como queixo de Illana, por celebrarse a feira máis importante no lugar da Illana (Fisteus, Curtis). En 2010 chegouse a producir 2,8 millóns de queixos.[1]

Historia[editar | editar a fonte]

As primeiras noticias coñecidas sobre o Queixo Tetilla son do século XVIII. En 1753 nun escrito, Juan Bermúdez de Novoa, capelán de San Xoán de Torés (As Nogais, Lugo) anuncia o envío de “dous touciños, unha perna de vaca, media ducia de queixos; tres ducias e media de tetillas; tres ducias e media de linguas de porco” ao seu señor, o marqués de Camarasa.[2]

Produción[editar | editar a fonte]

O queixo Tetilla elabórase en todo o territorio galego, con leite das razas Frisoa, Pardo Alpina e Rubia galega, procedente exclusivamente de ganderías establecidas na zona de produción e controladas polo Consello Regulador.

Ao remate da súa maduración o queixo Tetilla ten un peso de 0,5 a 1,5 kg, con forma cónica cóncava-convexa (recibe o seu nome polo parecido cun peito feminino. O tamaño da altura debe ser superior ao radio da base e inferior ao diámetro (altura de entre 90 e 150 mm, base de entre 90 e 150 mm de diámetro).

Produto protexido[editar | editar a fonte]

Queixo de tetilla, entre outros.

A D.O.P. Queixo Tetilla ampara o queixo elaborado con leite de vaca das razas Frisoa, Pardo Alpina e Rubia galega.

O leite destinado á súa elaboración debe ser o produto natural e íntegro do muxido de vacas sas que non conteñan costros, conservadores ou produtos medicamentosos.

O Queixo Tetilla é o resultado dunha maduración ou fermentación que comeza no mesmo leite nada máis muxido e segue a través da coagulación e transformacións químicas que definen o produto e que son a consecuencia da simbiose vaca-contorno e da capacidade de transmitir na devandita síntese a súa identidade. É interesante subliñar a influencia das razas salientadas, perfectamente adaptadas ao medio, como unha das causas definitorias da obtención do Queixo Tetilla.

As pezas (entre 0,5 e 1,5 Kg) van provistas de etiqueta, onde se fai referencia á súa condición de Denominación de Orixe Protexida e con contraetiqueta numerada de control do Consello Regulador.

Características[editar | editar a fonte]

O queixo amparado pola D.O.P. Queixo Tetilla, que se caracteriza pola súa forma cónica ou cónica-convexa; presenta unha codia apreciable, fina e elástica, de menos de 3 mm de espesor, de cor amarela de palla, natural e sen mofos. A pasta é branda, cremosa e uniforme, con poucos ollos e regularmente repartidos, de cor branca-marfil, amarela. O seu aroma, suave e lixeiramente ácido, lembra á materia prima, ao igual que o seu sabor lácteo, de manteiga, lixeiramente ácida e con salgado suave. O período mínimo de maduración é de 7 días dende a súa saída de salmoira.

Ao remate da maduración, o Queixo Tetilla con D.O.P. presenta un contido sobre extracto seco de materia graxa non inferior ao 45%.

Elaboradores autorizados polo Consello Regulador[editar | editar a fonte]

Queixo Tetilla DO Galicia W3C.svg

Os elaboradores de Queixo Tetilla están repartidos por todo o territorio da Comunidade Autónoma galega.

A Coruña[editar | editar a fonte]

  • Alimentos Ruta Xacobea, S.L. O Pino (A Coruña)
  • Bo-Queixo. Boqueixón (A Coruña)
  • C.P. Campo Capela, S.C.G. A Capela (A Coruña)
  • C.R.D.O.P. Queso Tetilla, Boqueixón (A Coruña)
  • Lácteos de Moeche, S.L. Moeche (A Coruña)
  • Lácteos O Casal, S.L. San Sadurniño (A Coruña)
  • Lácteos Pérez Olveira, S.A. Santa Comba (A Coruña)
  • Lácteos Terra de Melide, S.L. Melide (A Coruña)
  • Queinaga S.A.T. 871 – XUGA. Curtis (A Coruña)
  • Queixos Cagiao. Paderne (A Coruña)
  • Queixería Barral, S.L. Arzúa (A Coruña)
  • Queizuar, S.L. Touro (A Coruña)
  • Queserías del Eume, S.L. As Pontes (A Coruña)
  • S.A.T. Nº 826 XUGA O Brexeo. Sobrado dos Monxes (A Coruña)

Lugo[editar | editar a fonte]

  • Antonio Ferreiro Ferreiro. Antas de Ulla (Lugo)
  • Crisanto S.A.T. 1306 XUGA. Vilalba (Lugo)
  • Lácteos Casa Macan, S.L. Taboada (Lugo)
  • Lácteos Lorán, S.L. Abadín (Lugo)
  • Lácteos Xabelo, S.L. Bóveda (Lugo)
  • Leitiga, S.L.U. Outeiro de Rei (Lugo)
  • Pok Quesera, S.L. Palas de Rei (Lugo)
  • Queserías Prado, S.L. Monforte de Lemos (Lugo)
  • Queserías Sarrianas, S.L. Sarria (Lugo)
  • Queixería Catadoiro. Vilalba (Lugo)
  • Queixería Daniberto S.A.T. 1221 XUGA. Vilalba (Lugo)
  • Queixería Prestes, S.L. Vilalba (Lugo)

Ourense[editar | editar a fonte]

  • COOP. Santa Mariña de Loureiro. O Irixo (Ourense)
  • Quesos de la Montaña de Entrimo. Entrimo (Ourense)
  • Quesos Feijoo, S.L. Celanova (Ourense)

Pontevedra[editar | editar a fonte]

  • Central Lechera Gallega, S.A. Cuntis (Pontevedra)
  • Cobideza, S.C.G. Agolada (Pontevedra)
  • Hoxe, S.C.G. Lalín (Pontevedra)
  • Lácteos Anzuxao, S.L. Lalín (Pontevedra)
  • Lácteos Farelo, S.L. Agolada (Pontevedra)
  • Queserías Daniel Torres, S.L. A Estrada (Pontevedra)

Regulamentación[editar | editar a fonte]

  • Denominación de Orixe recoñecida pola Orde da Consellería de Agricultura, Gandería e Montes do 18 de marzo de 1992 (DOG 1.04.92)
  • Regulamento aprobado pola Orde da Consellería de Agricultura, Gandería e Montes do 18 de xuño de 1993, e ratificado pola Orde do MAPA do 24 de novembro de 1993 (BOE 25.12.93)
  • Rexistrada como Denominación de Orixe Protexida polo Regulamento (CE) 1107/96, da Comisión, do 17 de xuño de 1996 (DOCE 21.6.96).

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]

Notas[editar | editar a fonte]