Pybba de Mercia
| Biografía | |
|---|---|
| Nacemento | 570  |
| Morte | 606 (35/36 anos) |
| Rei de Mercia | |
| 593 – 606, 615 ← Creoda de Mercia – Cearl de Mercia → | |
| Actividade | |
| Ocupación | monarca |
| Familia | |
| Familia | Iclingas (pt)  |
| Fillos | unnamed daughter of Pybba of Mercia, unnamed daughter of Pybba of Mercia, Coenwalh, Penda, Eowa de Mercia |
| Pai | Creoda de Mercia |
 | |
Pybba, nado c. 570? e finado en 606 ou 615, (tamén Pibba, Wibba, Wybba) foi un primitivo rei Mercia. Foi fillo de Creoda e pai de Penda e Eowa. Os nomes Pybba e Penda son de orixe britana, máis que xermánica[1].
Traxectoria
[editar | editar a fonte]As súas datas aparecen ás veces en xenealoxías como nacemento en 570, o principio do seu reinado en 593, e morte en 606 ou 615, pero sen evidencia aparente; a Crónica anglosaxoa menciónao tan só como pai de Penda, sen maior detalle.
Segundo a Historia Brittonum, Pybba tería 12 fillos[2]. Cearl, un rei de Mercia, é mencionado por Beda, e puido ser sucesor de Pybba, pero a súa filiación con Pybba, se a houbese, é descoñecida. O fillo de Pybba, Penda finalmente converteríase en rei; a Crónica data este feito en 626, malia que Beda suxire que non sería até despois da batalla de Hatfield Chase en 633.
Ademais de Penda e Eowa, Pybba tivo aparentemente outro fillo chamado Coenwalh. Cada rei, desde Penda até Ceolwulf, deposto en 823, proclamábase descendente de Pybba, a través de Penda, Eowa ou Coenwalh (quizais excluíndo a Beornrad, que gobernou brevemente e cuxa procedencia é descoñecida).
Tamén se di que Pybba tivo unha filla. Aínda que non se menciona o seu nome, foi posibelmente a primeira esposa de Cenwalh, rei de Wessex (648-674)[3].
Véxase tamén
[editar | editar a fonte]Bibliografía
[editar | editar a fonte]- ↑ Higham, Nicholas J.; Ryan, Martin J. (2013). The Anglo-Saxon World. Yale University Press. ISBN 978-0-300-12534-4., p. 143.
- ↑ Historia Brittonum Arquivado 27 de xullo de 2009 en Wayback Machine., capítulo 65.
- ↑ Beda: HE 3,7
| Control de autoridades |
|
|---|
