Purple Mountains

Na Galipedia, a Wikipedia en galego.
Saltar ata a navegación Saltar á procura
Purple Mountains
OrixeChicago, Illinois, Flag of the United States.svg
Período2019
Xénero(s)indie rock
Selo(s) discográfico(s)Drag City Records
MembrosDavid Berman
Artistas relacionadosSilver Jews, Woods, Noah Count, Mark Nevers

Purple Mountains foi un proxecto musical estadounidense de indie rock formado polo músico e poeta David Berman. O proxecto estreouse en maio de 2019, unha década despois da disolución do seu anterior grupo, Silver Jews. O álbum Purple Mountains foi publicado en xullo de 2019. O disco gravouse principalmente en Chicago e foi producido por Jarvis Taveniere e Jeremy Earl da banda Woods.[1]

O proxecto supostamente quedou disolto despois da morte de Berman o 7 de agosto de 2019.[2]

Historia[editar | editar a fonte]

Berman regresou á música no ano 2018, coproducindo o aclamado álbum de Yonatan Gat Universalists.[3][4] O 12 de decembro de 2018 Bob Nastanovich, antigo membro de Pavement e Silver Jews, revelou no seu podcast Three Songs que David Berman editaría música nova en 2019 baixo o nome Purple Mountains, que tamén era o nome do blog de Berman.[5]

O 10 de maio de 2019 Berman editou a súa primeira música en máis dunha década, un sinxelo titulado "All My Happiness Is Gone", lanzado en vinilo por Drag City usando o alcume Purple Mountains. O sinxelo inclúe dúas remesturas da canción, "All My Happiness Is Wrong" de Noah Count e "All My Happiness Is Long" de Mark Nevers con gravacións recortadas de Dave Cloud. Tamén acreditaba a Berman, Jeremy Earl e Jarvis Taveniere de Woods, Aaron Neveu e a compositora Anna St. Louis.[6][7] O sinxelo foi editado dixitalmente o 17 de maio de 2019 co anuncio dun álbum.[8] O disco, Purple Mountains, acompañado por unha xira polos Estados Unidos, apareceu o día 12 de xullo.[9][10] "Darkness and Cold" foi editado como segundo sinxelo do álbum o 11 de xuño de 2019. "Margaritas at the Mall" sería o terceiro e derradeiro sinxelo, apararecido o 28 de xuño.[11]

Unha remestura de "All My Happiness Is Gone" feita polo grupo australiano de música electrónica The Avalanches, coa cal Berman colaborara no pasado, foi comisionada por el, pero un problema de licenzas impediu que se liberase a súa versión.[12]

Berman suicidouse o día 7 de agosto de 2019.[2]

Discografía[editar | editar a fonte]

Álbums[editar | editar a fonte]

Álbum Ano Selo
Purple Mountains 2019 Drag City Records

Notas[editar | editar a fonte]

  1. "Purple Mountains: Any Way You Hear It « American Songwriter". American Songwriter (en inglés). 2019-07-10. Arquivado dende o orixinal o 15 de decembro de 2019. Consultado o 2019-12-14. 
  2. 2,0 2,1 "David Berman (Silver Jews, Purple Mountains) Dead at 52". Pitchfork (en inglés). Consultado o 2019-12-14. 
  3. "Yonatan Gat's 'Universalists' Is a Visionary New Album for Rock Music". PopMatters (en inglés). 2018-05-23. Consultado o 2019-12-15. 
  4. "Global Beat: Yonatan Gat". Relix Media (en inglés). 2018-08-14. Consultado o 2019-12-15. 
  5. "Silver Jews’ David Berman To Launch New Band In 2019, Says Bob Nastanovich". Stereogum. 2018-12-12. Consultado o 2019-12-15. 
  6. "Silver Jews’ David Berman Returns With First New Music in 11 Years". Pitchfork (en inglés). Consultado o 2019-12-15. 
  7. "Purple Mountains - All My Happiness Is Gone". Discogs (en inglés). Consultado o 2019-12-15. 
  8. "David Berman announces new album as Purple Mountains, shares "All My Happiness is Gone": Stream". Consequence of Sound (en inglés). 2019-05-17. Consultado o 2019-12-15. 
  9. "Silver Jews’ David Berman to Release New Album in 2019, Says Bob Nastanovich". Pitchfork (en inglés). Consultado o 2019-12-15. 
  10. "Silver Jews’ David Berman Announces First New Album in 11 Years, Shares Song: Listen". Pitchfork (en inglés). Consultado o 2019-12-15. 
  11. "Purple Mountains – "Margaritas at the Mall"". Spin. 2019-06-28. Consultado o 2019-12-15. 
  12. "The Avalanches’ Remix Of New Purple Mountains Single Held Up By Licensing Issue". Stereogum. 2019-07-10. Consultado o 2019-12-15. 

Véxase tamén[editar | editar a fonte]

Ligazóns externas[editar | editar a fonte]

  • [ Páxina da banda]