Saltar ao contido

Pseudomonadati

Na Galipedia, a Wikipedia en galego.

Pseudomonadati[3] é un dos reinos do dominio Bacteria que contén aproximadamente un terzo das especies de procariotas, principalmente bacterias gramnegativas e os seus parentes.[2] É o reino máis emparentado con outro reino bacteriano aínda máis grande, as Terrabacteria (tamén coñecidas como Bacillati), que son principalmente grampositivas.[4][2]

Nomes

[editar | editar a fonte]

O nome sinónimo "Hydrobacteria" (hidro = 'auga') fai referencia ao medio húmido onde se supón vivía o antepasado común destas especies. En contraste, as especies de Terrabacteria posúen adaptacións para a vida nas terras emerxidas.[4][2] Desde 2024, o único nome publicado validamente para este grupo é reino Pseudomonadati (antes non había nomes publicados porque non se aceptaban niveis por riba de filo en versións temperáns do Código Internacional de Nomenclatura de Procariotas).[5]

"Gracilicutes," que describiron en 1978 Gibbons e Murray,[6] utilízase ás veces en lugar de Pseudomonadati. Porén, "Gracilicutes" incluía as Cyanobacteria (que agora pertencen a Terrabacteria) e non se construíra baixo o agora xeneralizadamente aceptado sistema de tres dominios.[6] Máis recentemente, propúxose unha redefinición de "Gracilicutes"[7] pero non incluía unha filoxenia molecular nin análises estatísticas. Ademais, non segue o sistema de tres dominios, afirmando en troques que a liñaxe de eucariotas + Archaea está aniñada dentro de Bacteria como unha parente próxima de Actinomycetota, unha árbore que non está apoiada por ningunha filoxenia molecular.

Evolución

[editar | editar a fonte]

Pseudomonadati e Terrabacteria pénsase que diverxeron hai aproximadamente 3.000 millóns de anos, o que indica que a terras (continentes) foran xa colonizados polos procariotas daquela.[2]

Filoxenia e taxonomía

[editar | editar a fonte]

As bacterias Pseudomonadati comprenden os seguintes superfilos e filos: Acidobacteriota, Aquificota, Bdellovibrionota, Campylobacterota, Deferribacterota, Dependentiae, Desulfobacterota, Desulfuromonadota, Elusimicrobiota, superfilo FCB, Myxococcota, Nitrospirota, Proteobacteria, superfilo PVC e Spirochaetota.[8][9]

Algunhas análises filoxenéticas moleculares non enraizadas[10][11] non apoian esta dicotomía de Terrabacteria e Pseudomonadati, pero as análises xenómicas máis recentes,[8][9] incluíndo aquelas que se basean en árbores enraizadas,[8] atoparon que estes dous grupos son monofiléticos.

Pseudomonadati e Terrabacteria xuntos forman un gran grupo que contén o 97 % dos procariotas e o 99 % de todas as especies de Bacteria coñecidas en 2009, e foron situados por Battistuzzi e Hedges no taxon proposto Selabacteria, en alusión ás súas capacidades fototróficas (selas = 'luz').[12] Actualmente, os filos bacterianos que están fóra de Pseudomonadati + Terrabacteria (o que serve para xustificar así o taxon Selabacteria) inclúense ás veces no taxon Fusobacteria, pero isto é moi discutido.[8][9]

A definición de dúas divisións principais dentro do dominio Bacteria, Pseudomonadati e Terrabacteria, proceden fundamentalmente de análises filoxenéticas enraizadas de xenomas.[4][2][8][9] As análises non enraizadas non apoian completamente esta división,[11][10] o que dá unha idea do importantes que son as árbores da vida enraizadas.

As dúas análises recentes de filoxenia bacteriana apoian ambas a división entre Pseudomonadati e Terrabacteria.[8][9] Porén, interpretan a evolución da parede celular bacteriana de xeito diferente, xa que unha conclúe que o último antepasado común de Bacteria foi unha monoderma (bacteria grampositiva[8]) e a outra conclúe que era unha diderma (bacteria gramnegativa[9]). A seguinte árbore está redibuxada a partir dun deses dous estudos recentes,[8] e mostra a filoxenia dos filos bacterianos e superfilos, quedando a posición das Fusobacteria sen resolver e sendo as DST as parentes máis próximas das Terrabacteria:

Notas

[editar | editar a fonte]
  1. ↑ "Kingdom: Pseudomonadati". lpsn.dsmz.de (en inglés). Consultado o 2025-04-02.
  2. 1 2 3 4 5 6 7 Battistuzzi, F. U.; Hedges, S. B. (1 de febreiro de 2009). "A Major Clade of Prokaryotes with Ancient Adaptations to Life on Land". Molecular Biology and Evolution 26 (2): 335–343. PMID 18988685. doi:10.1093/molbev/msn247.
  3. ↑ "Kingdom: Pseudomonadati". lpsn.dsmz.de (en inglés). Consultado o 2025-04-02.
  4. 1 2 3 4 Battistuzzi, Fabia U; Feijao, Andreia; Hedges, S Blair (2004). "A genomic timescale of prokaryote evolution: insights into the origin of methanogenesis, phototrophy, and the colonization of land". BMC Evolutionary Biology 4 (1): 44. PMC 533871. PMID 15535883. doi:10.1186/1471-2148-4-44.
  5. ↑ Göker, Markus; Oren, Aharon (22 de xaneiro 2024). "Valid publication of names of two domains and seven kingdoms of prokaryotes". International Journal of Systematic and Evolutionary Microbiology 74 (1). doi:10.1099/ijsem.0.006242.
  6. 1 2 Gibbons, N. E.; Murray, R. G. E. (1 de xaneiro de 1978). "Proposals Concerning the Higher Taxa of Bacteria". International Journal of Systematic Bacteriology 28 (1): 1–6. doi:10.1099/00207713-28-1-1.
  7. ↑ Cavalier-Smith, Thomas (2006). "Rooting the tree of life by transition analyses". Biology Direct 1 (1): 19. PMC 1586193. PMID 16834776. doi:10.1186/1745-6150-1-19.
  8. 1 2 3 4 5 6 7 8 9 Coleman, Gareth A.; Davín, Adrián A.; Mahendrarajah, Tara A.; Szánthó, Lénárd L.; Spang, Anja; Hugenholtz, Philip; Szöllősi, Gergely J.; Williams, Tom A. (7 de maio de 2021). "A rooted phylogeny resolves early bacterial evolution". Science 372 (6542): eabe0511. PMID 33958449. doi:10.1126/science.abe0511. hdl:1983/51e9e402-36b7-47a6-91de-32b8cf7320d2.
  9. 1 2 3 4 5 6 Léonard, Raphaël R.; Sauvage, Eric; Lupo, Valérian; Perrin, Amandine; Sirjacobs, Damien; Charlier, Paulette; Kerff, Frédéric; Baurain, Denis (18 de febreiro de 2022). "Was the Last Bacterial Common Ancestor a Monoderm after All?". Genes 13 (2): 376. PMC 8871954. PMID 35205421. doi:10.3390/genes13020376.
  10. 1 2 Hug, Laura A.; Baker, Brett J.; Anantharaman, Karthik; Brown, Christopher T.; Probst, Alexander J.; Castelle, Cindy J.; Butterfield, Cristina N.; Hernsdorf, Alex W.; Amano, Yuki; Ise, Kotaro; Suzuki, Yohey; Dudek, Natasha; Relman, David A.; Finstad, Kari M.; Amundson, Ronald; Thomas, Brian C.; Banfield, Jillian F. (maio de 2016). "A new view of the tree of life". Nature Microbiology 1 (5): 16048. PMID 27572647. doi:10.1038/nmicrobiol.2016.48.
  11. 1 2 Zhu, Qiyun; Mai, Uyen; Pfeiffer, Wayne; Janssen, Stefan; Asnicar, Francesco; Sanders, Jon G.; Belda-Ferre, Pedro; Al-Ghalith, Gabriel A.; Kopylova, Evguenia; McDonald, Daniel; Kosciolek, Tomasz; Yin, John B.; Huang, Shi; Salam, Nimaichand; Jiao, Jian-Yu; Wu, Zijun; Xu, Zhenjiang Z.; Cantrell, Kalen; Yang, Yimeng; Sayyari, Erfan; Rabiee, Maryam; Morton, James T.; Podell, Sheila; Knights, Dan; Li, Wen-Jun; Huttenhower, Curtis; Segata, Nicola; Smarr, Larry; Mirarab, Siavash; Knight, Rob (decembro de 2019). "Phylogenomics of 10,575 genomes reveals evolutionary proximity between domains Bacteria and Archaea". Nature Communications 10 (1): 5477. Bibcode:2019NatCo..10.5477Z. PMC 6889312. PMID 31792218. doi:10.1038/s41467-019-13443-4.
  12. ↑ Battistuzzi, FU; Hedges, SB (2009). "Eubacteria". En Hedges, SB; Kumar, S. The Timetree of Life. Nova York: Oxford University Press. pp. 106–115.
Obtido de «https://gl.wikipedia.org/w/index.php?title=Pseudomonadati&oldid=7321759»