Protoporfirina IX

Na Galipedia, a Wikipedia en galego.
Saltar para a navegação Saltar para a pesquisa
Protoporfirina IX
Identificadores
Número CAS 553-12-8
PubChem 4971
ChEBI CHEBI:15430
Propiedades
Fórmula molecular C34H34N4O4
Masa molecular 562,658 g/mol

Se non se indica outra cousa, os datos están tomados en condicións estándar de 25 °C e 100 kPa.

A protoporfirina IX é un composto tetrapirrólico con catro cadeas laterais (catro de metilo, dúas de vinilo e dúas de ácido propiónico), que pode coordinar un ión metálico na súa parte central. É un precursor da síntese do grupo hemo. Prodúcese a partir do protoporfirinóxeno IX pola acción da protoporfirinóxeno oxidase e convértese en hemo B por acción da ferroquelatase.

Biosíntese da protoporfirina IX[editar | editar a fonte]

A protoporfirina IX é un importante precursor de grupos prostéticos bioloxicamente esenciais como o hemo, citocromo c, e clorofilas. Como resultado, moitos organismos poden sintetizar este tetrapirrol a partrir de precursores básicos como glicina e succinil-CoA, ou glutamato. Malia a grande cantidade de organismos que sintetizan a protoporfirina IX o proceso está moi conservado desde as bacterias aos mamíferos cunhas poucas excepcións entre as plantas superiores.[1][2][3]

Vía biosintética da protoporfirina IX.

Biosíntese do hemo B[editar | editar a fonte]

Na biosíntese do hemo o encima ferroquelatase converte a protoporfirina IX en hemo B (tamén chamado Fe-protoporfirina IX ou protohemo IX).

Síntese do hemo. Algnhas das reaccións son citoplasmáticas e outras mitocondriais.


Biosíntese da clorofila[editar | editar a fonte]

Na biosíntese da clorofila, o encima magnesio quelatase converte a protoporfirina IX en Mg-protoporfirina IX.[4]

Pintas das cascas de ovos[editar | editar a fonte]

A protoporfirina IX deposítase nas cascas de ovo dalgunhas aves dando lugar a unha coloración avermellada ou parda a pintas ou de fondo.[5]

Notas[editar | editar a fonte]

  1. A. R. Battersby, C. J. R. Fookes, G. W. J. Matcham, E. McDonald (1980). "Biosynthesis of the pigments of life: formation of the macrocycle". Nature 285: 17–21. 
  2. F. J. Leeper (1983). "The biosynthesis of porphyrins, chlorophylls, and vitamin B12". Natural Product Reports 19: 1137–1161. 
  3. G. Layer, J. Reichelt, D. Jahn (2010). "Structure and function of enzymes in heme biosynthesis". Protein Science 19: 1137–1161. 
  4. Ali E. Alawady, Bernhard Grimm. Tobacco Mg protoporphyrin IX methyltransferase is involved in inverse activation of Mg porphyrin and protoheme synthesis. The Plant Journal. Volume 41, Issue 2, pages 282–290, January 2005. [1]
  5. Gosler, Andrew G.; Connor, Oliver R.; Bonser, Richard H.C. Protoporphyrin and eggshell strength: preliminary findings from a passerine bird. Avian Biology Research, Volume 4, Number 4, December 2011 , pp. 214-223(10). [2]

Véxase tamén[editar | editar a fonte]

Outros artigos[editar | editar a fonte]