Propodeo

Na Galipedia, a Wikipedia en galego.
Saltar ata a navegación Saltar á procura
Propodeo dunha formiga, indicado pola frecha

En zooloxía denomínase propodeo ao primeiro segmento (tagma) abdominal dos insectos himenópteros da suborde dos apócritos (abellas, avespas e formigas).[1]

Etimoloxía[editar | editar a fonte]

O nome científico propodeo é a adaptación do latín científico propodeum, alteración de propodeon, e está formado pola unión dos elementos pro- e -podeo, derivados do grego antigo πρό pro, "antes, diante de", e πόδιον pódium, "pé", respectivamente.[2]

Estrutura[editar | editar a fonte]

Este segmento fusionouse co tórax para formar o mesosoma. É un so esclerito grande, non subdividido, e ten un par de espiráculos. Está fortemente constrinxido posteriormente para formar a articulación do pecíolo, e dá aos apócritos a súa forma distintiva.[3] Os segmentos restantes do abdome levan o nome de metasoma ou, máis propiamente, gáster, neste grupo de himenópteros.

Pode haber unha sutura entre o propodeo e o tórax, como nos sínfitos,[4] ou non, e a presenza ou ausencia desa sutura pode axudar na identificación de espécimes.

Noutros grupos de animais[editar | editar a fonte]

Crustáceos[editar | editar a fonte]

Nos crustáceos o propodeo é o nome do cuarto segmento do endopodio dos apéndices, situado entre o carpo e o dáctilo.[1]

Moluscos[editar | editar a fonte]

Nalgúns moluscos gasterópodos mariños que viven en substratos brandos, o propodeo é a rexión anterior do , modifidada como unha gran sola en forma de pá, adaptada para a escavación.[1]

Notas[editar | editar a fonte]

  1. 1,0 1,1 1,2 Garrido, Carlos (1997): Dicionário Terminológico Quadrilíngue de Zoologia dos Invertebrados. Alemám, Inglês, Espanhol, Galego-Português. A Coruña: AGAL. ISBN 84-8730-512-1.
  2. propodeum no Merriam-Webster Dictionart.
  3. propodeum, propodeal en bugguide.net (en inglés).
  4. Malkiat S. Saini & Surjit S. Dhillon (1980): "Metapleural Transformations with Respect to Propodeum and Metapostnotum in Hymenoptera". The Florida Entomologist' 63 (3): 286-292. Consultado o 9 de xuño de 2021.

Véxase tamén[editar | editar a fonte]

Outros artigos[editar | editar a fonte]