Os seus membros son principalmente parasitos facultativos e comensais dos humanos e outros animais, e viven dentro ou arredor das glándulas sudoríparas, glándulas sebáceas, e outras áreas da pel. Son moi comúns e non causan problemas á maioría da xente, pero están implicadas na acne e noutras condicións da pel.[2] Un estudo atopou que os Propionibacterium eran os microorganismos máis prevalentes asociados á pel humana (ver flora da pel).[3]
Os membros do xénero Propionibacterium son moi utilizados na produción de vitamina B12, compostos tetrapirrólicos, e ácido propiónico, e nas industrias do queixo e probióticos.[4]
A cepa Propionibacterium freudenreichii subsp. shermanii utilízase para facer certos tipos de queixo como o Emmental, xa que producen burbullas de CO2 que orixinan os ollos do queixo, e danlle un certo aroma e sabor.[5]
↑Cheung, Y.F., Fung, C., and Walsh, C. "Stereochemistry of propionyl-coenzyme A and pyruvate carboxylations catalyzed by transcarboxylase." 1975. Biochemistry 14(13), pg 2981.
↑Bojar, R., and Holland, K. "Acne and propionibacterium acnes." 2004. Clinics in Dermatology 22(5), pg. 375-379.
