Programa do Jô

Na Galipedia, a Wikipedia en galego.
Saltar ata a navegación Saltar á procura

O Programa do Jô é un programa televisivo liderado polo humorista Jô Soares, definíndose basicamente como un programa de entrevistas. É producido pola Rede Globo de São Paulo transmitido por este canal e pola Rádio CBN e mestura entretemento, entrevistas, e música. É considerado unha continuación na Rede Globo dun programa moi similar exhibido polo presentador cando fora contratado polo SBT (emisora rival da Rede Globo), chamado Jô Soares Onze e Meia. Vai ao ar de segunda a sexta feira, logo após o Jornal da Globo. O horario de inicio varía, podendo iniciar con extremos entre 0h15 e 1h, sendo máis frecuente o inicio ás 0h45.

Características[editar | editar a fonte]

O programa tradicionalmente presenta entrevistas con convidados diversos. Tales entrevistas son coñecidas por demostrar a coñecida irreverencia de Jô Soares, así como a súa experiencia na comedia. Conta tamén cun sexteto musical propio, responsable da abertura do programa e do acompañamento dalgúns musicais. Jô Soares sempre termina o programa coa frase "Beijo do Gordo".

O seu escenario inicial foi proxectado por Lia Renha (escenógrafa da Rede Globo que construíu diversos escenarios, como os do infantil-xuvenil TV Colosso).

Desde 2007 quen asina o novo escenario é João Irênio (escenógrafo da TV Globo que tamén proxectou os escenarios de Hoje é Dia de Maria I e II, alén da miniserie A Pedra do Reino do director Luiz Fernando Carvalho).

Outros integrantes do programa[editar | editar a fonte]

  • O sexteto, grupo de instrumentistas que tocan os seus instrumentos no inicio do programa, e na entrada dos convidados. Os seus compoñentes son: Osmar Barutti (piano/teclado), Derico (saxofón), Bira (baixo), Milton Ramos de Brito (batería), Carlos Nascimento (guitarra) e Francisco Carlos de Oliveira (trompeta).
  • O garzón chileno Luis Alexander Rubio Bernardes (Alex), sempre ao albo de comentarios de Jô.

Véxase tamén[editar | editar a fonte]

Ligazóns externas[editar | editar a fonte]