Prins Karls Forland

Prins Karls Forland
Localización da illa
Mapa do arquipélago
Situación
País	Noruega
Mar	Océano Ártico
Coordenadas	78°34′13″N 11°7′25″L
Xeografía
Superficie	615 km²
Longura máxima	86 km.
Largura máxima	11 km.
Punto máis alto	1.084 m. Monacofjellet
Demografía
Poboación	Deshabitada

A Illa Príncipe Carlos Forland (en noruegués: Prins Karls Forland o Forlandet), é unha illa do océano Ártico, que forma parte do arquipélago de Svalbard. A illa está directamente ao oeste da Terra de Óscar II (Oscar II Land) en Spitsbergen e constitúe a parte occidental de Svalbard. Toda a illa e a zona marítima circundante constitúe o Parque nacional Forlandet (Forlandet nasjonalpark).

Historia

A illa avistouse por primeira vez polo explorador neerlandés Willem Barents en 1596. En 1610, o explorador inglés Jonas Poole chamouna "Illa Punto Negro" (Black Point Isle). En 1612 os baleeiros ingleses referíanse á illa como (Prince Charles Foreland), polo fillo do Rei James, Carlos ou Charles (máis tarde rei de Inglaterra e Escocia). Os neerlandeses chamárona Illa Kijn, por un comerciante, que, subindo a un escarpado outeiro en 1612, caeu e rompeuse o pescozo. Os ingleses construíron unha estación temporal da caza de baleas na punta norte da illa, coñecida por eles como Fair Foreland (hoxe Fuglehuken).

Punta norte da Illa.